Første sal i Lyseparken gjennomført

Svalinn Property AS vil satse stort på kortreist mat i Lyseparken. Illustrasjon: Svalinn AS

Tomtearealet ligg i nordområdet av Lyseparken, og Bjørnafjorden Utviklingsselskap (BUS AS) lyser no ut anbod på opparbeiding av tilkomstvegen inn i området.

Viser at Lyseparken er attraktiv

– Vi ønskjer Svalinn velkommen, og ser fram til vidare samarbeid for å utvikle ein hub for næringsmiddelindustrien i Lyseparken. Svalinn sitt val av Lyseparken med utgangspunkt i logistikk og arbeidsmarknad, understrekar at vi ligg attraktivt til ved nye E39 Os-Bergen. seier dagleg leiar i BUS AS, Alf Sognefest.

– No er vi for alvor i gang, og Svalinn sitt konsept svarer svært godt på kriteria vi vurderer potensielle aktørar opp mot, supplerer styreleiar i BUS, Dag Jarle Aksnes. Kriteria handlar mellom anna om økonomisk soliditet, arbeidsplassar, miljø og energi. 

– Godt nytt for både Lyseparken og Bjørnafjorden kommune

– Dette er godt nytt for både Lyseparken og Bjørnafjorden kommune, seier ordførar Terje Søviknes. – No er vi gang med sal av tomter, og snart blir det byggekraner å sjå i Lyseparken. Det har vi venta lenge på, seier Søviknes, som gir honnør til Bjørnafjorden Utviklingsselskap.

– I det siste har vi politisk vore tydelege på at vi skal gå breitt ut mot næringslivet for å trekke attraktive bedrifter til Lyseparken. Dag Jarle og Alf har verkeleg stått på i dialogen mot ei rekkje aktørar, og no kjem resultata. Alt ligg til rette for at vi får fleire spennande etableringar utover i 2024, seier ein optimistisk Søviknes.

Les også: Svalinn Property AS si pressemelding om tomtekjøpet (PNG, 6 MB)