Kurs i å meistre smerter

Om kurset

Smerte er individuelt og ofte samansett. Uansett om smerten er konstant eller kjem og går, kan han ofte vere ei hemming i kvardagen. Korleis kan du ta tilbake livet og la smertene ta mindre plass?

Kurset består av undervisning, refleksjonsoppgåver, heimearbeid og praktiske puste- og avspenningsøvingar. Kurset er hovudsakleg basert på kognitiv åtferdsteori.

Kven er kurset for?

Kurset er for deg som har utfordringar i kvardagen på grunn av smerter, og som er motivert for å lære meir om korleis du sjølv kan gjere kvardagen din betre. Du må ha kapasitet til å sette deg inn i og jobbe med opplegget,  både i gruppe og sjølvstendig.

Mål for kurset

Å meistre kvardagen på ein god måte, ut ifrå eigne behov, føresetnader og ønske. Målet er ikkje å bli kvitt smertene, men å bli bevisst på grep for å kunne fylle kvardagen med meir meiningsfylt innhald og glede.

Pris

Kurset har ein eigenandel på 300 kroner. 

Påmelding og spørsmål

Påmelding på Friskus.com eller til kahn@bjornafjorden.kommune.no

Alle som ønskjer å delta må gjennomføre ein helsesamtale før kursstart, slik at vi saman kan finne ut om kurset er rett for deg.
Har du spørsmål? Send gjerne ein e-post til Friskliv og Meistring.