Mange millionar mobiltelefonar kjem til å pipe og vibrere klokka 12 onsdag 14. juni. Samtidig kjem det opp ein tekst på skjermen som forklarer at dette er ein test.
Les varselet, følg rådet
Alvorlege hendingar kan oppstå brått. Då er det viktig at du raskt får informasjon om kva som skjer og kva du bør gjere. No får vi Nødvarsel. Det betyr at om det oppstår ein alvorleg situasjon med akutt fare for liv og helse der du er, så kan du få eit varsel med viktig informasjon på mobiltelefonen din. Nødvarselet består av ein kort tekst som fortel deg kva som skjer og kva du bør gjere. For å fange merksemda di vil telefonen vibrere og spele av ein høg, sireneaktig lyd. Når du får eit nødvarsel, skal du lese varselet og følge rådet.
Kven får testen 14. juni?
Alle telefonar som har dekning på 4G/5G mottar varselet. Du får varsel sjølv om telefonen din står på lydlaus, lav lyd eller har slått av varsling. Mobilar som er i flymodus eller heilt avslått, får ikkje nødvarsel. Pass på at telefonen din er oppdatert med nyaste programvare, elles kan det hende du ikkje mottar varsel.
Førebu andre på testen
Informer gjerne familiemedlemmer eller andre som kanskje ikkje har fått med seg at det kjem ein test. Det kan vere eldre, barn eller personar som ikkje forstår norsk. Det finst informasjonsmateriell på ulike språk.
Informasjon på fleire språk