Reduserte opningstider på teststasjonen i Kolskogen frå 1. mai

Mufid Manjun/Unsplash Sjølv om pågangen til teststasjonane er liten for tida, er kommunen forplikta til å oppretthalde kapasitet til å PCR-teste éin prosent av befolkninga per veke.

Dette betyr kapasitet til å ta om lag 50 testar i døgnet.

Bjørnafjorden kommune har derfor forlenga leiga av Røde Kors-huset i Kolskogen med seks månader.

Nye opningstider ved teststasjonen i Kolskogen frå 1. mai

Måndag og torsdag, kl. 13.30-15.30

Test- og vaksinetelefonen vil vere open i same tidsrom, og du kan hente sjøvtestar der. Utanom opningstida vil teststasjonen ikkje vere bemanna.

Teststasjonen i Eikelandsosen har ope for testing etter avtale på ettermiddagstid (Leiro 33, mellom legevakta og Fusa vidaregåande skule. Sjå kart.)

Kven kan ta PCR-test på teststasjonen?

Det er ikkje lenger ei generell anbefaling om at vaksne med nyoppståtte luftvegssymptom skal teste seg for korona - berre dei med positiv hurtigtest som kan trenge dokumentasjon i samband med vaksinasjon eller koronasertifikat:

  • Personar som er over 18 år og ikkje har tatt 3. vaksinedose eller hatt positiv PCR-test siste tre månader
  • Personar under 18 år som manglar 2. vaksinedose og ikkje har hatt positiv PCR-test før. (PCR-test tel som ein vaksinedose i koronasertifikatet)
Til toppen