Send faktura til Bjørnafjorden kommune

Den elektroniske fakturaadressa (EHF) til verksemda er organisasjonsnummeret til Bjørnafjorden kommune: 844458312

Faktura skal alltid stilast til kommunen sitt namn og postadresse, ikkje til ei bestemt eining.

Bjørnafjorden kommune

Postboks 24

5649 Eikelandsosen

Merk at informasjon som for eksempl namn på eining eller avdeling ikkje skal stå som mottakar. Du kan eventuelt legge det inn som ei tilleggsopplysning.

• Ressursnummer 
  Faktura til Bjørnafjorden kommune skal alltid merkast med eit femsifra ressursnummer. Ressursnummer får du av den i Bjørnafjorden kommune som bestiller ei vare eller teneste. Eksempel på ressursnummer: 12001
   
• Referansenummer 
  Referansenummer skal stå i feltet «Deres ref.» eller «Buyer Reference» i EHF fakturaen.
  Feltet skal berre innehalde det femsifra ressursnummeret, utan tekst eller mellomrom.
   
• Namn på bestillar
  Namn på bestiller kan leggast inn i feltet «Contact» i EHF fakturaen.

Bjørnafjorden kommune har ein standard betalingsfrist på 30 dagar, så sant det ikkje er gjort skriftleg avtale om annan frist.  
Kortare betalingsfrist blir ikkje godtatt, og renter eller gebyr blir ikkje betalt. 

Er du leverandør og skal sende en faktura til kommunen som gjeld ein innbyggar som brukar tenestene våre, har vi nokre retningsliner som du må følge.

• Faktura for tenester levert til ein konkret brukar av kommunale tenester skal adresserast til Bjørnafjorden kommune og utformast i samsvar med gjeldande reglar for personvern. 
• Før du sender faktura, må du alltid avklare med eininga som har bestilt tenesta du leverer.

Utanlandske leverandørar må, på lik linje med norske leverandørar, sende EHF-faktura.

Leverandøren skal bruke PEPPOL BIS 3.0 for å sende elektronisk faktura eller kreditnota til offentlege verksemder i Noreg.

Faktura må innehalde nødvendige opplysningar for internasjonal betaling, inkludert:

• IBAN-nummer
• BIC/SWIFT-kode
• Valuta fakturaen skal betalast i

Desse opplysningane kjem i tillegg til dei generelle krava som gjeld for alle fakturaer.

Nokre små/mellomstore bedrifter har ikkje eige fakturasystem som kan produsere elektronisk faktura direkte. Alternativet er då å registrere faktura i en nettbasert fakturaportal eller via eigen nettbank. 

Her finn du en oversikt over fakturasystem som kan levere Elektronisk handelsformat (EHF) | Anskaffelser.no