Fastlegetilbodet i Bjørnafjorden

Kommunale legekontor

Osøyro legesenter

Eikelandsosen legekontor

Næringsdrivande legekontor

Os Allmennpraksis

Irislegene 

Moberg legesenter

Flåten legesenter

Dersom du ikkje har fastlege, men har D-nummer, kan du kontakte Eining for legetenester for legetime.

Dersom du har fastlege i ein annan kommune, kan du gå inn på helsenorge.no for å byte til ein fastlege i Bjørnafjorden. Lista over ledige fastlegeplassar blir oppdatert dagleg, så det er lurt å sjekke jamleg.
Dersom du har høgt ventelistenummer, er rådet å velje ein ledig fastlege, eller ein fastlege med kortare venteliste.

Dersom du ikkje er nøgd med fastlegen din, kan du bruke bytteretten. Du har rett til å byte fastlege inntil to gonger per kalenderår. 

Les meir om fastlegebyte på helsenorge.no

Flyttar du frå ein kommune til ein annan, må du melde flytting til Folkeregisteret. Du vil få brev frå NAV/HELFO om kva fastleger som har ledig plass på lista i den nye kommunen. Du kan velje ein av dei, eller behalde fastlegen du alt har.

Personar som har flytta innanfor Noreg, og meldt flyttinga til Folkeregisteret, kan få tilbake tidlegare fastlege om dei flyttar tilbake til opphavleg kommune innan tre år. Sjå utfyllande informasjon om dette på helsenorge.no.

På helsenorge.no finn du oversikt over alle fastlegane i Bjørnafjorden kommune.
Du kan setje deg på venteliste dersom fastlegen du ønskjer ikkje er ledig.

Personar utan internett kan ringe 23 32 70 00. Du må oppgi fødsels- og personnummer, eller D-nummer. Hugs å ha det klart når du ringer.

Bytte av fastlege gjeld frå den første dagen i månaden etter at byttet er registrert. Du får eit brev som stadfestar at du har fått ny fastlege.

Når du byter fastlege, blir ikkje journalen automatisk overført til ny fastlege. Viss du ønskjer at den nye fastlegen skal få tilgang, må du sjølv ta kontakt med tidlegare lege og be om å få journalen sendt til den nye legen.

Kontaktar du HELFO på vegner av andre, må du ha fullmakt. Foreldre/føresette må òg ha fullmakt frå barn over 16 år, fordi ein er helserettsleg myndig frå 16 år.

Du betaler eigenandel. Dersom du blir tilbode timebestilling per SMS eller via Internett, skal du ikkje betale noko ekstra for det.

Her kan du sjå kva du må betale