Helsevern i barnehagen

Kva kan du klage på?

Du kan klage på barnehagen sine inne- og uteareal, barnehagen sine rutinar eller barna sitt leike- og læringsmiljø. 
Døme på klage kan vere:

• Dårleg inneklima, til dømes fukt, mugg eller dårleg luft
• Dårleg reinhald
• Mykje støy innandørs
• Dårleg sikkerheit, til dømes manglar ved barnehagen sine rutinar, konkrete tilhøve som kan føre til ulukke eller skade, uønskte hendingar som førte til, eller kunne ha ført til, helseskade
• Dårlege hygienerutinar eller manglande smittevern

Slik klagar du

Dersom du vil klage på det pedagogiske innhaldet i ein barnehage, må du ta kontakt med dei ansvarlege på barnehageområdet i Bjørnafjorden kommune.

Les også: 
Bergen kommune - Helsevern i barnehage

Bergen kommune - Klage på helse, miljø og sikkerhet for barnehagebarn

Helseverngodkjenning av barnehagar og skular

Alle barnehagar og skular i kommunen må vere godkjende etter reglane for miljøretta helsevern. Les meir om krava her

• Føremålet med godkjenninga er å sikre at barna har eit trygt og godt miljø der dei kan trivast, leike og lære. Det skal òg førebygge sjukdom, skadar og alvorlege hendingar. 
• Når nye bygg blir planlagde, eller det skjer endringar i drifta, blir det tatt omsyn til barn sine behov.
• På vegner av kommuneoverlegen i Bjørnafjorden, sjekkar Miljørettet helsevern i Bergen kommune at skular og barnehagar følgjer reglane i forskrifta for helse og miljø i barnehagar, skular og skulefritidsordningar.
• Kommunen gir råd og rettleiing til barnehagar og skular både før og etter godkjenning.