SLT-koordinator

SLT har tre nivå som har faste møtepunkt i løpet av året: 
SLT utførande, SLT koordinerande og Politiråd.  

• SLT utførande møtest seks gongar i året. Her møtest dei som arbeider direkte med barn og unge. Det er om lag 20 personar som møtest fast. 
• SLT koordinerande har om lag 15 representantar, og møtest fire gongar i året. Her møtest mellomleiarar og leiarar frå om lag dei same tenestene som på SLT utførande. 
• Politirådet er det styrande nivået i SLT-modellen. Her møtest leiarar i kommune og politi om lag tre gongar i året. 
   

SLT-koordinator deltar i møta på alle tre nivå, og kallar inn til og leier møta i SLT utførande og SLT koordinerande. 
SLT- koordinator skal vere bindeledd mellom dei tre nivåa, og formidle kunnskap om kva som rører seg i kommunen. 
Målet er at alle skal vere oppdaterte om kva som rører seg i Bjørnafjorden, slik at vi kan sette i verk tiltak. 

Les meir om SLT-modellen på Konfliktrådet si nettside.

Los i systemet

SLT-koordinatoren arbeider på systemnivå, og kan hjelpe med å lose deg i rett retning i det kommunale systemet. Bjørnafjorden kommune er ein av om lag 200 kommunar i landet som har SLT-koordinator.

Dette er nokre av oppgåvene til SLT-koordinatoren: 

• Er sekretær i ungdomsrådet og ungdommens politiråd 
• Er med i konsultasjonsteam mot vald og overgrep
• Driv dopingførebyggande arbeid 
• Er Ungdata-koordinator, og formidlar dei lokale resultata av den store Ungdata-undersøkinga, der ungdommane sjølve svarar på korleis dei har det
• Skriv søknadar til ulike tiltak
• Har faste møtepunkt med relevante tenester som arbeider tett på barn og ungdom