Innlevering av underkjevar i 2024
Bjørnafjorden kommune vest
Underkjevar frå alle felte hjort i Bjørnafjorden vest (gamle Os kommune) skal i år leverast til Os jakt og fiskelag v/Hogne Markhus/Jan Erik Larsen.
- Legg kjevane ferdig merka med merkelappar og pakka i papirpose i kassa merka med “Kjeveinnsamling” ved Ulvehiet, Ulvenvegen 343.
- Merkelappar kan du hente i Kommunetorget på Bjørnafjorden rådhus måndag, tysdag og torsdag kl. 10-14. Ta kontakt med landbrukskontoret om du ikkje kan hente i dette tidsrommet. Det vil vere reservelappar ved Ulvehiet som kan hentast ved behov.
Samnanger kommune
Underkjevar frå alle felte hjort i Samnanger kommune skal i år leverast til Samnanger jeger- og fiskarlag v/Harald Kvalvåg.
- Legg kjevane ferdig merka med merkelappar og pakka i papirpose i kassa merka med “Kjeveinnsamling” ved Raunekleivvegen 30 i Hisdal.
- Merkelappar kan du hente på Tysse kommunehus måndag-fredag, kl. 9-15. Harald Kvalvåg har reservelappar ved behov.
Tysnes kommune
Tysnes kommune har ikkje vore del av denne faste innsamlinga, men kommunen har over tid hatt ein aukande hjortebestand. Det er difor ønskjeleg å inkludere Tysnes i eit systematisk innsamlings- og analyseprogram for aldersbestemming, jamfør vedtak i utval sak 32/25 av Utval for landbruk/teknisk den 8.4.2025.
På denne måten får ein meir presis kunnskap om bestanden si samansetning, bestandsutvikling og effekten av forvaltingsstrategiane som vert nytta. Det vil òg støtte opp under Tysnes kommune sin hjorteviltstrategi.
- Underkjevar frå alle felte hjort i Tysnes kommune skal i år leverast til Tysnes jakt- og fiskelag v/Jostein Meland og Bjarte Erstad.
- Legg kjevane ferdig merka og pakka i papirpose på ein av følgjande stader:
- Teknisk drift, Uggdalsdalen 15, i kassa merka med “Kjeveinnsamling” utanfor kontoret til Teknisk drift (i underetasjen i gamle sjukeheimen).
- Hos Jostein Meland, Liastrando 98 på Årbakka.
- Hos Bjarte Erstad, Spannsteigen 3 i Våge.
Merkelappane kan du hente på Tysnes rådhus på kvardagar mellom kl. 9 og kl. 15. Bjarte Erstad og Jostein Meland vil ha reservelappar som kan hentast ved behov.
Om overvakingsprogrammet for hjortevilt 2022-2026
Gjennom det nasjonale bestandsovervakingsprogrammet for hjortevilt, følgjer Norsk institutt for naturforskning (NINA) bestandsutviklinga til villrein, hjort og elg i store delar av landet.
Programmet vart etablert i 1991 og er eigd og finansiert av Miljødirektoratet. Inneverande kontraktsperiode mellom NINA og direktoratet omfattar jaktsesongane 2022-2026. Programmet er langsiktig.
- Hovudfokus er dyras vitalitet, kondisjonstilstand/vekt, fruktbarheit og beitetilbod.
- Samnanger og delar av Bjørnafjorden kommune blei innlemma i prosjektet i 2023. For Bjørnafjorden kommune gjeld dette berre vald i gamle Os kommune.
- Følgande kommunar inngår i overvakingsprogrammet:
- Vestland nord: Kinn (berre vald i gamle Flora kommune)
- Vestland sør: Bergen, Samnanger, Bjørnafjorden (berre vald i gamle Os kommune)
- Trøndelag: Orkland Innlandet: Lom, Sel, Vågå
- Vestfold og Telemark: Drangedal, Larvik, Nome, Siljan, Skien
- Agder: Hægebostad, Kvinesdal, Farsund, Flekkefjord
Kvifor innsamling av kjevar?
Underkjeven frå felte dyr og fallvilt kan gi viktig informasjon til både forvaltning og forsking.
Tennene blir brukte til å bestemme alder, medan mål av kjeven gir opplysningar om dyrets storleik og vekstforhold.
I kombinasjon med individdata, gir materialet både forskarar og den lokale forvaltninga moglegheit til å følgje utviklinga i aldersstruktur og vekstforhold i bestandane.
Kva er jeger/valda si oppgåve?
- Ta ut kjeven straks dyret er slakta
- Flå og grovreins kjeven
- Minst ein heil kjevehalvdel inkludert alle framtennene skal leverast
- Fest korrekt merkelapp til kjeven og heng kjeven til tørk (til det sluttar å lukte, helst på ein kjøl med vifte)
- Bruk tørkepapir rundt kjeven. Legg på nytt tørkepapir før levering
- Lever i papirpose/pappeske. Unngå å pakke kjeven i plast
Underkjevar frå alle felte hjort (kalvar, eittåringar og eldre dyr av begge kjønn) skal merkast med utlevert merkelapp. Fyll ut merkelappane med dei nødvendige opplysningane og lever kjeven til rette vedkommande.
Jaktfeltleiar og valdleiar, saman med jeger, har ansvar for at dette blir gjort. Valdleiaren skal organisere henting og fordeling av merkelappar. Valdleiaren skal organisere innsamling og levering av kjevar.
Merkelappar og registrering av individdata
- Kvar merkelapp har ein unik strekkode. Merkelappane inneheld også fleire klistremerke med strekkode.
Dersom det blir samla inn fleire prøvetypar (t.d. hjerneprøve eller møkkprøvar) frå same individ, skal desse klistremerka brukast til merking av desse prøvane. Slik merking gir sikker kopling mellom individdata og øvrig prøvedata. - Miljødirektoratet har innført digital fellingsrapportering i Hjorteviltregisteret. I samband med dette skal jaktlaga sjølve registrere alle individdata frå felte dyr i Hjorteviltregisteret. I tillegg må merkelappen sitt strekkodenummer registrerast, anten ved bruk av Sett og skutt-appen eller via Hjorteviltregisteret.
Resultat og rapportar frå analysane