Barsel: oppfølging dei første dagane etter fødsel

Vi tar kontakt med deg innan klokka 12 første arbeidsdag etter at du og barnet er komne heim. Deretter avtaler vi neste kontakt. For at tida vi har saman skal bli nytta på best mogeleg vis, er det viktig at du seier frå om kva du ønsker hjelp til, slik at vi kan tilpasse oppfølginga til deg og barnet ditt.
Jordmor set av tid til å svare på spørsmål.

Frå barnet er sju dagar, vil helsesjukepleiar følge opp barnet ditt og deg.

Ring nærjordmorsenteret om du ikkje høyrer frå oss innan klokka 12 første arbeidsdag etter at du og barnet er komne heim. 

Barselkvinner som har lang reiseveg, kan velje å bli på sjukehuset til nødvendige prøver og undersøkingar er gjort av barnet, 48-72 timar etter fødselen. Dei som reiser tidleg heim, kan anten komme tilbake til sjukehuset for ta prøver/undersøkingar av barnet, eller få barseloppfølging på Osøyro nærjordmorsenter.

Barseltelefon 

Ring 46 82 77 54 kl. 12–15, måndag til fredag

• Helg og heilagdagar er nærjordmorsenteret stengt. Ved behov kan du då ringe barseltelefonen på Kvinneklinikken: tlf. 414 99 042
• Ved akutt sjukdom: ring 113

• Brosjyre om barseloppfølging i Bjørnafjorden kommune (PDF, 2 MB) 
  Her finn du òg kontaktinformasjon til jordmor og nærjordmorsenteret. 
• Tips og råd som kan vere nyttige den første veka etter fødselen. (PDF, 433 kB)
• På helsenorge.no/gravid finn du nyttig informasjon medan du førebur deg på fødsel og tida etterpå.
• 10 smarte tips til alle småbarnforeldre 
  Gratis informasjonsprogram for alle blivande og nybakte foreldre frå Stine Sofies Stiftelse. Programmet skal styrke foreldrerolla, gi støtte og verktøy til å handtere det som er krevjande, og førebygge situasjonar som er utrygge og farlege for barnet.
• Trygt sovemiljø for barnet