Kva er startavgift?
Vestpark opererer med ei startavgift på parkering.
Startavgift vil seie at når ei betalt parkering startar, står “parkeringstaksameteret” allereie på for eksempel 37 kroner.
Du unngår denne startavgifta viss du betalar
- med automatisk belastning i appen.
- på betalingsautomat, og er medlem i UNUM kundeklubb eller klikkar ja til å bli medlem i UNUM kundeklubb.
- på nett innan 48 timar, og klikkar ja til å bli medlem i UNUM kundeklubb.
Du får altså ein rabatt som tilsvarar startavgifta, og startar på null kroner. Dette er det Vestpark kallar fordelsparkering.
Du må betale heile parkeringsbeløpet, inkludert startavgifta, dersom du
- betalar parkeringa på nett innan 48 timar, og klikkar nei til å bli medlem i UNUM kundeklubb.
- vel å få faktura tilsendt (anten per post eller e-faktura). Du får då eit fakturagebyr i tillegg til startavgift og parkeringsavgift.