Naudnummer og legevakt Legevakta er ei interkommunal legevaktteneste for kommunane Bjørnafjorden og Samnanger. Legevakta held til på Moberg på Os og i Fjord'n senter i Eikelandsosen.Kontakt ossTa kontakt med fastlegen din. Fastlegen er hovudkontakten din i helsevesenet. Du bør alltid ringe til fastlegen din først, om det er mogeleg.Ring legevakta på 116 117 når fastlegen ikkje er tilgjengeleg og hjelpa ikkje kan vente. Ring 113 ved akutt, alvorleg sjukdom eller skadeOpningstiderLegevakta er døgnopen. Du må ringe før du kjem. Ein sjukepleiar svarar på telefonen, og vurderer kor mykje det hastar for deg å få hjelp. Alle telefonsamtalar til 116 117 blir loggførte.Her finn du Moberg legevaktAdresse: Mobergsbakken 111, beredskapsbygget for legevakt og brannstasjon på Moberg. Sjå kart.Her finn du Eikelandsosen legevaktAdresse: Leiro 33, 5640 Eikelandsosen. Sjå kart.Dette lurer mange på Kva kan legevakta hjelpe meg med? Moberg legevakt gir hjelp med akutt sjukdom som ikkje kan vente til fastlegekontoret opnar. Hugs at legevakta er for alle, men ikkje for alt. Ring oss vedsmerter i brystet eller magenpustevanskarakutt sjukdom/skade eller alvorlig forverringnedsett allmenntilstand hos barnalvorlig psykisk sjukdommistanke om komplikasjonar i svangerskapkuttskader som må syast Kva må eg ta med meg til legevakta? Vi har ikkje tilgang til journalane dine frå andre stader. Derfor er det nyttig at du har med deg legitimasjonoversikt over faste medisinarnamn på fastlege/legesenterfrikortandre relevante papir som gjeld helsa diLegevakta sender i nokre tilfelle kopi av journalnotat til fastlegen din. Kontakt fastlegen om du ønsker journalnotat frå besøket.Ønsker du journalutskrift frå legevakta, må du fylle ut skjemaet. Hugs kopi av legitimasjon.Pårørande som ønsker utskrift, må ha fullmakt frå føresette eller hjelpeverje med kopi av legitimasjon. Kor lang er ventetida? Ventetida kan variere ut frå kor mange som er sjuke og kva som hastar mest. Dei mest alvorlege tilstandane blir behandla først, anten dei kjem til legevakta ved eiga hjelp eller i ambulanse. Derfor varierer ventetida frå person til person. Viss tilstanden din blir forverra i ventetida, må du kontakte resepsjonen. Legen kan òg bli kalla ut til akutte hendingar. Derfor kan ventetida bli lengre enn forventa. Tidspunktet du får beskjed om å møte opp på legevakta, er ikkje nødvendigvis ein timeavtale, men eit estimert tidspunkt.Viss du må vente, er det fordi andre treng hjelpa raskare. Kva kostar det? Legevakta krev betaling etter faste takstar. Convene handterer betaling på vegner av legevakta i Bjørnafjorden kommune. Legevakta tar ikkje imot kontanter. Ta med eventuelt frikort.I nokre tilfelle kan du få refundert transportutgifter. Det kjem an på kor alvorleg tilstanden din er.Telefonrådgiving er gratis. Bjørnafjorden og Samnanger interkommunale legevakt er ei avdeling i Eining for legetenester i Bjørnafjorden kommune.Administrativ avdelingsleiar er Trude Fjæreide. Legevaktoverlegen har det øvste medisinske ansvaret. Bjørn Petter Aasheim Johannesen er legevaktoverlege.TannlegevaktDersom du har ein akutt tannskade eller behov for å stanse smerte, kan du få hjelp på tannlegevakta i Solheimsgaten på Danmarksplass i Bergen. Les meir om tannlegevakta Sist endra 21.08.2025 13:32