Kven er logopedtenesta?

Kva gjer vi?

Logopeden kan i periodar jobbe direkte med barn som har

• vanskar med uttale og språklydar, det kan for eksempel vere at barnet byter ut ulike lydar eller kutter ut stavingar/lydar i ord.   
• vanskar med taleflyt, som stamming og løpsk tale.
• stemmevanskar (bør sjekkast hos øyre-nase-hals-lege først).

Dersom vanskane skildra over er ein del av eit større vanskebilete, som andre språkvanskar eller medisinske diagnosar, vil logopedtenesta ha ei rettleiande rolle og ikkje arbeide direkte. Barn som har «sjukdom, skade eller lyte» kan ha rett på logoped som helsebehandling. Ta gjerne kontakt med barnet sin barnehage eller skule for å drøfte ønskje om logoped. 

Når logopedtenesta arbeider direkte kan barn få tilbod om treningsøkter kvar veke, i ein periode på inntil 10 veker. Logopedhjelpa består då av periodar med trening og pausar. Treninga skjer vanlegvis i barnehagen eller på skulen, men barnet kan også kome saman med føresette til logopeden sitt kontor.

Slik kjem du i kontakt med logoped 

Lurer du på om barnet ditt treng logoped, kan du ta kontakt med barnehagen eller skulen din for å drøfte vanskane. Dei kan drøfte med sin PPT-kontaktperson. Du kan òg sende e-post til logopedtenesta@bjornafjorden.kommune.no. 

Når du har drøfta vanskane til barnet ditt og blitt anbefalt å søke logoped, kan du gjere det via dette digitale skjemaet. Dersom vanskane gjeld språklydar og uttale er det viktig at høyrsla er undersøkt (i løpet av det siste året) før innsending av kontaktskjema.

Har du andre spørsmål til logopedtenesta, eller vil du at vi skal ta kontakt med deg? Send oss ein e-post med telefonnummeret ditt, så tar vi kontakt.

NB! Ikkje skriv sensitiv informasjon som helseopplysningar eller hjelpebehov på e-post. 

Logoped som helsebehandling

Logoped er ikkje ei «skal-teneste», og mange kommunar har ingen logopedar. Personar som har behov for logopedbehandling grunna sjukdom, skade eller lyte kan få dekka utgifter til behandling hos privatpraktiserande logoped når vilkåra er oppfylt. 

Les meir om logoped som helsebehandling

For betre oppløysing, last ned informasjonen som PDF. (PDF, 448 kB)