Viktig informasjon før du søkjer

Når du søkjer om tenester, er det viktig at du:  

• skildrar behova dine så konkret som mogleg
• legg ved relevant tilleggsinformasjon
• samtykker til at vi kan hente inn nødvendige opplysingar frå samarbeidspartnarar, som fastlege og Skatteetaten
• har ein open dialog med oss om kva du sjølv kan bidra med i kvardagen og tar aktivt del for å oppnå mest mogleg eigenmeistring  
• prøver ut ulike hjelpemiddel og helseteknologi, og har testa ut utstyr som finst i elektronikkbutikkar og er aktuelt for deg, til dømes klokke med GPS, vindaugsvaskar eller robotstøvsugar

Ja, andre kan søkje om tenester på vegner av deg. Dersom dette er aktuelt, må ei fullmakt leggast ved søknaden. Dette kan du enkelt gjere på eit ark. Skriv tydeleg kva teneste(r) fullmakta gjeld for og kven du gir fullmakt til. Skriv dato og signer fullmakta.  

Når du sender inn søknaden, betyr det at du godtar at:
• personopplysingane dine blir registrerte elektronisk og formidla til fagpersonar som behandlar saka di
• vi kan hente inn nødvendige helseopplysingar frå fastlegen din, andre avdelingar i 
kommunen eller frå spesialisthelsetenesta. 
• vi kan hente inntektsopplysingar frå Skatteetaten for å rekne ut kva du eventuelt skal betale i eigendel for
tenester som ikkje er gratis. 
• vi sender inn helseopplysingar til KPR-registeret, som er eit nasjonalt, lovbestemt helseregister 
med statistikk for helse- og omsorgssektoren. Opplysingane kan ikkje sporast tilbake til deg. 

Søknaden blir behandla av avdeling for forvaltning, koordinering og bustadkontor i Bjørnafjorden kommune. 

• Vi kartlegg behovet ditt i dialog med deg, pårørande, fastlegen og andre som kjenner 
  situasjonen din. Etterpå vurderer vi kva tenester som kan vere aktuelle for deg.  
• Vi skal sikre ei fagleg god vurdering av behovet ditt for tenester. Målet er at alle som 
  treng det, får gode og forsvarlege helse- og omsorgstenester gjennom å fordele
  kommunen sine ressursar så rettferdig som mogleg. Vi vurderer etter individuelle behov 
  og skjønn, og jobbar i tverrfagleg team.  

I vurderingane legg vi vekt på:  

•  at du skal oppleve mest mogleg eigenmeistring. 
• at du skal kunne bu heime så lenge som råd. 
• at tenestene du får er heilskaplege og koordinerte. 
• om du kan ha nytte av helseteknologiske løysingar. Slike løysingar er førstevalet 
  når situasjonen ligg til rette for det. 

Vi er også opptekne av: 

• kva som er viktig for deg. 
• at vi møter deg med respekt. 
• at du har same saksbehandlar så langt som råd 
• at du er godt informert om rettane dine og kva du kan vente av oss.