Viktig nytt om gjødselbruk i 2025

1. Bruk av gjødsel på innmarksbeite 

Husdyrgjødsel: 

• Det er ikkje lov å spreie husdyrgjødsel på innmarksbeite utan godkjenning frå kommunen. 
  • Dei som har dokumentasjon på tidlegare godkjenning kan bruke denne. Alle andre må søkje dersom dei ønskjer å bruke husdyrgjødsel på beite. Søk om godkjenning her. 

Kunstgjødsel: 

• Overgangsperiode 2025-27: Mineralgjødsel på innmarksbeite er tillate utan godkjenning viss det aktuelle beitet har blitt gjødsla før og dette kan dokumenterast med gjødslingsplan frå 2022 eller 23. 
• Innmarksbeite som ikkje har blitt gjødsla med kunstgjødsel tidlegare, krev godkjenning no dersom det skal gjødslast. 

Omsyn til vassdrag (med årviss vassføring) krev  6 m avstand til vassdrag ved gjødsling av innmarksbeite 

2. Fosforgrense og spreieareal 

• I 2025 og 2026 kan du ikkje tilføre meir enn 3,5 kg fosfor per dekar (gjeld både husdyrgjødsel og mineralgjødsel). 
• Du må sikre at du har tilstrekkeleg spreieareal. Bruk gjerne fosforkalkulatoren til Landbruksdirektoratet for å vurdere dette. 
• Dersom du har meir fosfor enn spreiearealet tillet, må du finne alternativ handtering.
• Gjødsla areal må haustast, eller få etablert plantevekst same år etter siste spreiing 

3. Spreiefrist hausten 2025 

Spreiefrist for Vestland er no: 

• 15. februar–15. september (overgangsordning i 2025 og 2026) med nedmolding fram til 1. november.
• Kommunen har ikkje lenger høve til å gje utsett frist, men ein kan søkje til Statsforvaltaren (§31 punkt c). Det er berre Statsforvaltaren som kan gje dispensasjon frå den nye forskrifta. 

4. Frå 2026: Krav om gjødslingsplan 

• Alle som disponerer og gjødslar meir enn 25 dekar jord (eller 5 dekar potet/grønsaker) må ha gjødslingsplan.
• Fritak blir ikkje lenger gitt etter 2025. 
• Frå 2026 må alle som bruker gjødsel føre gjødseljournal – også dei som ikkje har krav om gjødslingsplan.