500 arealinnspel til kommuneplanen

Arbeidet med kommuneplanen sin arealdel (KPA) for heile Bjørnafjorden kommune er over i ein ny fase. 

Simen Soltvedt

  • Type arealinnspel som går vidare til fase 2 

    Innspela er sendt inn i ulike kategoriar, med denne fordelinga:

    • 53 næringsinnspel på land
    • 20 næringsinnspel akvakultur 
    • 34 bustad i senterområde 
    • 52 bustad i LNF spreidd 
    • 2 bustad nær omsorgsteneste 
    • 33 positive for natur og folkehelse 
    • 12 offentlege føremål 
    • 15 hamneområde ved eksisterande naustområde

Då fristen var ute 15. februar, var det kome inn nesten 500 arealinnspel. Planavdelinga og fleire andre einingar i kommunen er involvert i gjennomgang og sortering av innspela. Ein del innspel er kome inn fleire gonger, og 160 innspel er sortert vekk i første fase, stort sett fordi dei handlar om tema som ikkje fell inn under KPA. Dermed er det atskillig færre enn 500 innspel som går vidare i KPA-prosessen. Innspela blir silt etter desse kriteria.  (PDF, 468 kB)
På kommune-TV sak 25/2026 kan du sjå fagleiar plan Kaisa Tonheim Banne sin presentasjonen i formannskapet 12. mars. 

Kva skjer vidare?

Formannskapet har ein stor jobb framfor seg når dei skal gå gjennom og behandle innspela. For å nå over alt, har formannskapet sett opp to ekstra møte, 30. april og 27. mai. 

Etter behandlinga i formannskapet skal eksterne konsulentar gjennomføre konsekvensutgreiing (KU) og ROS-analyse. Når resultata er klare, skal planavdelinga utarbeide planforslag. Det skal på høyring, og merknader skal innarbeidast før KPA blir endeleg behandla i kommunestyret sommaren 2027. Her kan du sjå tidslinja for KPA-arbeidet

Sist endra 19.03.2026 08:34