Folkehelseinstituttet melder at influensavaksinen til det offentlege vaksinasjonsprogrammet (VVP) i 2026 kjem seinare enn vanleg. Tidspunkt for vaksinering vil dermed bli utsett over heile landet.
Forseinkinga skuldast produksjonsutfordringar hos enkelte vaksineprodusentar, og rammar fleire land.
Vaksinane blir sendt ut til kommunane i første halvdel av november, før influensasesongen normalt er i gang. Årets vaksenvaksinasjon i Bjørnafjorden kommune startar i veke 46 (midten av november). Det er forventa at dette er tidsnok til å gi god beskyttelse før vinterens influensabølgje.
Vent med å bestille vaksine til timebøkene er oppdaterte i løpet av oktober.
Då kan du ta vaksine i veke 46-49 hos fastlegen din eller på eitt av dei tre apoteka som samarbeider med kommunen om vaksinasjon.
Les meir på fhi.no
NB: Nokre apotek får influensavaksinen via grossist, og kan tilby vaksine allereie i veke 40. Vaksine hos apotek kostar om lag 50 % meir enn om du tar vaksine via det offentlege vaksenvaksinasjonsprogrammet.
- Influensavaksinasjon av bebuarar over 50 år på institusjon og barn og unge 2-17 år i risikogruppene er ikkje påverka av forseinkinga, og skjer i veke 40/41.
- FHI tilrår samvaksinering med influensa- og koronavaksine (for alle over 75 år og yngre med risikofaktorar) og pneumokokkvaksine (årskull fødd 1961, pluss dei som er fødde i 1960, men ikkje tok denne vaksinen i fjor). Samvaksinering gir rabatt.