Formannskapet behandlar innspel til kommuneplanen sin arealdel (KPA)I møte torsdag 30. april skal Bjørnafjorden formannskap gå gjennom arealinnspela til KPA. Møtet er ope for alle, men blir ikkje strøyma på Kommune-TV. Fransisco Munoz / Bjørnafjorden kommune Frå september 2025 til februar 2026 kunne alle som ville sende innspel til ny arealbruk i Bjørnafjorden. Det kom inn rundt 500 innspel. Kva går vidare?Arealinnspela skal no til politisk behandling i formannskapet. Ut frå ei rekke politisk vedtatte kriterium har administrasjonen gitt råd om kva innspel som bør vere med i den vidare prosessen. Ferdig KPA skal vedtas av kommunestyret i 2027. Her finn du saka som skal opp i formannskapet. Arealinnspela ligg som vedlegg i saka, sortert i mapper etter tema. Møtet blir ikkje sendt på Kommune-TVMøtet i formannskapsalen begynner klokka 9, og er ope for alle interesserte. Oppdatert etter møtestart: Formannskapet starta møtet med å diskutere om møtet skulle strøymast til Kommune-TV eller ikkje. Utvalet vedtok mot tre stemmer at møtet ikkje skulle strøymast, og sendinga på Kommune-TV blei avslutta før behandlinga av sak 49/2026 Behandling av arealinnspel for kommuneplanen sin arealdel (KPA). Sist endra 30.04.2026 09:26