Invitasjon til temakveld om gås, forvaltning og jakt Bjørnafjorden, Tysnes og Samnanger

Vi har forsøkt å leggje møtet til rette slik at dei som kjem frå Tysnes med ferje, skal få med seg det faglege programmet før dei må reise attende.
Det faglege programmet varer i om lag éin time, med høve til spørsmål og samtale i etterkant. 

Vi er svært glade for å få besøk av Ove Martin Gundersen, prosjektleiar i Norges Bondelags gåseprosjekt.

Gåseprosjektet arbeider med å redusere konfliktane mellom gjess og landbruk, mellom anna gjennom organisering og tilrettelegging for jakt på gjess. Gundersen er òg Bondelaget sin representant i arbeidet med dei europeiske gåseforvaltningsplanane. Han har brei praktisk erfaring med gåsejakt og tilrettelegging, og har peika på korleis betre organisering av jakta kan gi større uttak av gjess i område med konflikt mellom landbruk og vilt.

Tema for kvelden

• Kort innføring i gjess og biologi
• Forvaltning – frå internasjonalt til lokalt nivå
• Landbruket sine utfordringar og kva verktøy som finst i verktøykassa
• Jakt og organisering
• Jegerrolla, kompetanse og aktuelle kurs/opplæring

Praktisk informasjon

Arrangementet er gratis.
Det vert enkel servering med kaffi og kjeks/frukt.

Av omsyn til servering og plass ber vi om påmelding via lenkja: Trykk her. 

Vel møtt til ein lærerik og aktuell kveld!