Google Street view
Arbeidet startar nokre dagar tidlegare. Markeringa finn stad torsdag 14. mars klokka 14 på riggområdet ved Hatvikvegen 64.
Program
Kl. 14-14.10: Velkommen ved Gunnhild Vangsnes, seksjonssjef Planlegging og utbygging i Vestland fylkeskommune
Kl. 14.10-14.20: Ordførar Terje Søviknes i Bjørnafjorden kommune
Kl. 14.20.14.35: Fylkesordførar Jon Askeland set spaden i jorda
Kl. 14.35-15: Servering av kaffi og bollar
Markeringa finn stad på riggområdet ved Hatvikvegen 64 (merka med raud ring på kartet).
Ordføraren sit i styringsgruppa for Miljøløftet, som i åra 2019-2029 skal bruke om lag 25 milliardar kroner på tiltak som skal bidra til mindre bruk av personbil og meir kollektivtrafikk, fleire gang- og sykkelvegar og betre arealbruk. Kommunane Alver, Askøy, Bergen, Bjørnafjorden og Øygarden deltar saman med Statens vegvesen, Jernbanedirektoratet, Statsforvaltaren i Vestland og Vestland fylkeskommune.
Trafikksikker gang- og sykkelveg
Prosjekt og tiltak i Miljøløftet skal bidra til å nå nullvekstmålet og til eit miljøvennleg, effektivt og trygt transportsystem som gir god mobilitet for innbyggarar og næringsliv.
Oppstarten i Hatvikvegen er eit sentralt prosjekt for Bjørnafjorden som skal bidra til å nå måla. Prosjektet er å etablere ei trafikksikker og attraktiv gang- og sykkelvegløysing langs Hatvikvegen, som i dag ikkje har noko tilbod til mjuke trafikantar.
Miljøløftet
Miljøløftet er samarbeidet om den gjeldande byvekstavtalen for bergensområdet for åra 2019 til 2029. Ei spørjeundersøking nyleg viste at det er positiva haldningar til Miljøløftet og tiltaka i blant innbyggarane i deltakarkommunane:
- 64 prosent har høyrt om Miljøløftet, av dei er 69 prosent positive
- Kjennskapen til Miljøløftet blant dei mellom 20 og 29 år har auka frå 37 til 58 prosent
- 81 prosent av innbyggarane i Bergen er positive til Bybanen (77 i heile Miljøløftet-området)
- 50 prosent i Bergen er ganske eller svært positive til bompengar (44 i heile Miljøløftet-området)
- 82 prosent er positive til kollektivprioriterte køyrefelt
- Det er høg positivitet til hurtigbåt mellom omlandskommunar og Bergen
Les meir om Fv552 Etablering av trafikksikker og attraktiv GS-løysing langs Hatvikvegen (miljoloftet.no)
Vil du vete meir om Miljøløftet? Sjå på miljoloftet.no
Miljøløftet samarbeider med Sykle til jobben og sponser deltaking i for innbyggarar i Bjørnafjorden kommune. Så det er berre å melde seg på: www.sykletiljobben.no