Oppstart av arbeid: Skeisleira - Hagavik - Strønevegen - Ulvenflaten

Prosjekt Overføring avløp Skeisleira

Ny avløpsleidning skal samle avløpsvatn frå områda Skeisleira/Nore Neset, Hagavik og Strønevegen, for overføring til Os hovudavløpsreinseanlegg OHARA, der avløpsvatnet skal reinsast etter dagens krav.

• Arbeidet i samband med den nye overføringsleidningen vil starte i oktober 2025 og vare fram til desember 2026.
• Oppstart 6. oktober 2025 i områda Hagavik og Ulvenflaten, deretter held arbeidet fram i område for område.
• Grunneigarar vil bli kontakta. Bebuarar vil bli varsla om oppstart av arbeid på SMS. Prosjektleiar har dialog med skular og barnehagar i dei aktuelle områda.

Kartet viser dei ulike arbeidsområda i prosjektet. Heile anleggsperioden strekk seg frå oktober 2025 til desember 2026.

Kva skal gjerast?

Skeisleira: 

• Skeisleira avløpsreinseanlegg blir lagt ned. 
• I dag blir avløpsvatn delvis reinsa før det blir sleppt ut i Skeisosen. Bygging av ny pumpestasjon og sjøleidning vil frakte avløpsvatnet vidare til ny hovudleidning, til reinsing i OHARA etter dagens reinsekrav. 
• Forholda i Skeisosen vil bli betre. Området vil òg framstå betre når dagens reinseanlegg blir fjerna og erstatta av eit lite pumpehus.

Hagavik: 

• Kommunal slamavskiljar blir lagt ned.
• I dag blir ureinsa avløpsvatn sleppt ut i Hagaviksfjøro. Ny pumpestasjon vil frakte avløpsvatnet vidare til ny hovedleidning, og reinsing i OHARA etter dagens reinsekrav.

Hagaviksbakken: 

• Ny pumpestasjon for vidareføring av avløpsvatn.
• I 2019 blei dagens avløpsleidning i Hagaviksbakken utbetra. Denne leidningen er i full funksjon og vil bli liggande. Ny avløpsleidning blir lagt i ei grunn grøft over eksisterande leidning.

Strønevegen – Ulvenflaten: 

• Ny avløpsleidning skal frakte avløpsvatnet frå Hagaviksbakken, langs Strønevegen og til Ulvenflaten for påkopling til eksisterande leidning fram til OHARA.
• I 2017 blei det etablert ny pumpestasjon og nye leidningar i området Hjorthaugen/Kloppamyra. Dette systemet er høgst funksjonelt og skal framleis vere i drift. Ny leidning blir lagt i grunn grøft parallelt med dagens leidning.