Legevakta er for akutt sjukdom og skade
Kristine Wook/Unsplash
Ta kontakt med legevakta på 116 117 ved:
- Akutt sjukdom eller skade som ikkje kan vente til fastlegen er tilgjengeleg
- Pustevanskar
- Brystsmerter
- Alvorlege infeksjonar eller høg feber med påverka allmenntilstand
- Kuttskadar som treng behandling
- Mistanke om brot eller alvorlege skadar
- Andre tilstandar som krev rask medisinsk vurdering
Ved livstruande sjukdom eller skade: Ring 113.
Dette kan ofte vente til fastlegen er tilgjengeleg
Mykje kan handterast av fastlegen eller annan helseteneste, som til dømes:
- Langvarige plager utan forverring
- Fornying av reseptar
- Sjukemeldingar
- Attestar og erklæringar
- Kontroll av kjende tilstandar
Apoteket kan hjelpe med mykje
Apoteka kan gi gode råd om behandling av mindre plager som:
- Forkjøling
- Allergi
- Insektstikk
- Mindre sår og hudplager
- Halsbrann og mageplager
Saman brukar vi helsetenestene klokt
Når legevakta blir brukt til akutt sjukdom eller skade, kan vi raskare hjelpe dei som treng det mest.
Vi på legevakta i Bjørnafjorden kommune ønskjer alle ein trygg og god sommar, og minner om at vi alltid er her når det hastar.