Søndag 15. februar er aller siste sjanse til å sende arealinnspel til kommuneplanen (KPA)

• Område til bustad på austsida av fjorden nært sentrumskjerne (maks 2 km) i definerte sentra, nært tenestetilbod og langs kollektivaksen Eikelandsosen – Venjaneset.
   
• Område til bustadar nært omsorgsteneste (maks 500 m) i heile kommunen.
   
• Område for spreidd bustadbygging i område som i dag har spreidd busetnad

• Område til næring nært eksisterande infrastruktur som overordna vegnett og kollektivaksar, kai, vatn- og avlaup.

• Område til offentlege føremål nært brukarar, overordna vegnett og kollektivaksar.
  
  Offentleg infrastruktur omfattar dei fysiske og tekniske systema som legg grunnlaget for eit 
  velfungerande samfunn. 
  Dette inkluderer 
  • vegnett, 
  • vatn- og avløpssystem, 
  • energiforsyning, 
  • digitale tenester, 
  • offentlege bygg og tenester som 
    • skular, 
    • barnehagar, 
    • helse- og omsorgstilbod. 
       

I kommuneplanen sin arealdel skal vi ta stilling til kvar og korleis slik infrastruktur skal utviklast og 
lokaliserast, i tråd med mål om berekraftig arealbruk, god samfunnsøkonomi og likeverdige 
tenestetilbod på tvers av kommunen. 

Innanfor offentlege føremål vil vi også vurdere 

• veg, 
• gang- og sykkelveg, 
• parkering til for eksempel ferdselsårer for friluftsliv, 
• innfartsparkering 
• døgnkvileplassar for tunge køyretøy, 

sjølv om desse vil få andre arealføremål i plankartet.

• Område der naustområde på land vert kopla til hamneområde i sjø.

• Område for havbruk for å sikre høgast mogeleg verdiskaping innafor berekraftige rammer.

• Arealinnspel som er positive for naturen og/eller folkehelsa, som eksempel viktige område for naturmangfald, idrett og friluftsliv.

• Innspel til overordna planvask på austsida av fjorden. Det vil seie innspel til område som i dag er sett av til utbygging, og som bør/kan endrast til LNF.

• Justering av plankartet, for å inkludere etablerte, godkjente tiltak som ikkje stemmer med dagens plankart. Justering kan berre gjerast i tilknyting til eksisterande byggeområde.