Temakveld om gås, forvaltning og jakt

Landbrukskontoret i Bjørnafjorden og Os Bondelag har gleda av å invitere til temakveld om gås, forvaltning og jakt.
Det er sett opp ein ny temakveld etter at den førre dessverre måtte avlysast grunna sjukdom.

Kvelden er open for jegerar, grunneigarar, bønder og andre interesserte som ønskjer meir kunnskap om korleis vi kan handtere utfordringane knytte til aukande gåsebestandar – og samstundes legge til rette for ei berekraftig og godt organisert jakt.

Gås - Klikk for stort bilete Unsplash

Tid og stad
Tysdag 25. august 2026 kl. 20.00-21.30
Bjørnafjorden hovudbibliotek, Holtbrekka 7, Os

Vi har forsøkt å legge møtet til rette slik at dei som reiser til og fra Tysnes med ferje, skal få med seg det faglege programmet før dei må reise attende. Det faglege programmet varer i om lag éin time, med høve til spørsmål og samtale i etterkant. 

Vi er svært glade for å få besøk av Ove Martin Gundersen, prosjektleiar i Norges Bondelags gåseprosjekt.
Gåseprosjektet arbeider med å redusere konfliktane mellom gjess og landbruk, mellom anna gjennom organisering og tilrettelegging for jakt på gjess. Gundersen er òg Bondelaget sin representant i arbeidet med dei europeiske gåseforvaltningsplanane. Han har brei praktisk erfaring med gåsejakt og tilrettelegging, og har peika på korleis betre organisering av jakta kan gi større uttak av gjess i område med konflikt mellom landbruk og vilt.

Tema for kvelden

  • Kort innføring i gjess og biologi
  • Forvaltning – frå internasjonalt til lokalt nivå
  • Landbruket sine utfordringar og kva verktøy som finst i verktøykassa
  • Jakt og organisering
  • Jegerrolla, kompetanse og aktuelle kurs/opplæring


Praktisk informasjon

Arrangementet er gratis.

Enkel servering med kaffi og kjeks/frukt.
Av omsyn til servering og plass ber vi om påmelding.

Vel møtt til ein lærerik og aktuell kveld!

Meld deg på

Sist endra 10.07.2026 13:47