Totalforsvarssamling i Bjørnafjorden beredskapsråd

Onsdag 29. april hadde Bjørnafjorden beredskapsråd samling på Rådhuset og øvde på samhandling i totalforsvarsåret 2026. 

Totalforsvarssamling Bjørnafjorden beredskapsråd 29.4.2026: F.v. vara-brannsjef Erik Walden, Anne Lyssand - Bjørnafjorden politistasjon, Tor Kenneth Aase - Hordaland sivilforsvarsdistrikt, Stian Skare - Framo Fusa; ass. fylkeslege Gudmund Øvsthus (bak), Bodil L. Hansen - Fusa Røde Kors, Jon Inge Fjellsbø - BKK, Annbjørg Laupsa - NKS, Annfrid Sperrevik - Os Røde Kors, sokneprest Roar H. Evjedal, Ingunn Sperrevik - NKS, Gry Offernes - Os Røde Kors, kyrkjeverje Jon Håkon Øen, varaordførar Marie Bruarøy, Tove H. Fosså - Lysna, Hjørdis Barman - ass. kommuneoverlege, Thomas Hasselø - Ytre Hardanger HV-omr., Oliva Bakketun - Beredskap/SFVL, kommunedirektør Arild McClellan Steine, Odd Arild Algrøy - Bergen sør HV-omr., Samuel Anderson - Bolaks, Anders Opsal - Fusa politistasjon, ordførar Terje Søviknes.

Godt samarbeid

No er det bestemt at alle kommmunar skal ha eit eige kommunalt beredskapsråd. Vi har hatt eit slikt råd frå vi blei Bjørnafjorden kommune, vidareført frå tilsvarande organ i Fusa og Os. 
Det er godt samarbeid mellom beredskapsorganisasjonar som Heimevernet, politiet og Sivilforsvaret, næringslivet, kyrkja, nettselskapa og frivillige organisasjonar. 
Beredskapsrådgivar frå Statsforvaltaren leidde gruppa gjennom eit informasjonsopplegg og ei øving på konkrete scenario knytt til den sikkerheitspolitiske situasjonen og eskaleringa av den. 

Bjørnafjorden beredskapsråd er eit samarbeidsorgan for kommunale og statlege myndigheiter, privat næringsliv og frivillige lag og organisasjonar som arbeider med samfunnssikkerheit og beredskap. Rådet skal vere eit forum for informasjonsutveksling og for å klargjere ansvars- og rolledeling mellom eksterne samarbeidspartar og den kommunale kriseleiinga. Det blir leia av ordføraren. 
Her kan du sjå beredskapsorganiseringa til kommunen. 

Sist endra 30.04.2026 12:01