Ver sikker på soppen

I skogen veks både matsoppar og giftige soppar. Visste du at nokre av dei giftigaste soppane i Noreg kan likne på matsoppar i andre land? Kvart år skjer alvorlege soppforgiftingar fordi giftsopp har snike seg opp i soppkorga. 

Giftinformasjonen ved Folkehelseinstituttet ønskjer spesielt å nå fram til turistar og innvandrarar som ikkje har kjennskap til giftig sopp i Noreg gjennom denne brosjyren på meir enn 20 språk

Last ned, les godt, del gjerne med andre - og god tur i skogen!

Hugseliste for å gjere soppturen trygg 

  • Delta på soppkurs. 
  • Plukk og reins alltid soppen éin og éin. 
  • Lær deg norske soppar og giftige soppar i Noreg. Soppartane varierer mellom ulike land og verdsdelar. Matsoppar i andre land kan likne på soppar som er giftige i Noreg. 
  • Bruk ny og oppdatert informasjon om sopp. 
  • Et berre sopp av god kvalitet. Kast marketen eller roten sopp. 
  • Matsoppen bør vere utvaksen eller ha nok kjenneteikn til at du kan identifisere han. 
  • Hald ulike soppartar frå kvarandre i korga, til dømes i forskjellige beger. 
  • Ver heilt sikker på kva sopp du plukkar, et eller serverer til andre. 
  • Sjekk soppen hos soppekspert (soppsakkunnig), anten på soppkontroll i nærleiken av deg, eller Digital soppkontroll på mobil. 
  • Bruk aldri kunstig intelligens til å bestemme sopp du skal bruke til mat.

Kontakt Giftinformasjonen ved mistanke om forgifting. Ring 22 59 13 00 (døgnopen)

For å lære meir om sopp du kan ete, sjå Norges sopp- og nyttevekstforbund

Publisert av Ragnhild Stende Bjaadal
Sist endra 17.08.2026 15:40