Tema for Kulturminnedagane 2024 er «Spor, nettverk og forbindelsar». I heile Europa er komitear, kommunar og entusiastar i gang med å planlegge 70 000 arrangement med mange slags innfallsvinklar til temaet. I Bjørnafjorden skal det dreie seg om Osbanen sin historie.
Kulturminnedagane går av stabelen i veka 31. august – 9. september. Osbanens venner, Fortidsminneforeningen og Os Kulturutvikling samarbeider med kultureininga i Bjørnafjorden kommune og Fana og Ytrebygda kulturkontor om å få ting til å skje både ved stasjonane og langs «linjo».