Tingey Injury Law Firm/Unsplash
Møtet i kommunestyret startar klokka 9.00 i kommunestyresalen.
Fleire saker om økonomi til behandling før budsjettbehandlinga tar til, først avkastningsrapportar for september og oktober, og deretter budsjettregulering til avsetning av spelemidlar til investering og til ubundne driftsfond.
Formannskapet si innstilling til budsjett og økonomiplan ligg no til behandling og legg vekt på at kommunen må sette tæring etter næring og prioritere strengt.
Sjå alt om Budsjett og økonomiplan - Bjørnafjorden kommune
Handlingsprogram for idrett og friluftsliv
Kvart år behandlar kommunestyret handlingsprogrammet til Kommunedelplan for fysisk aktivitet, idrett og friluftsliv. Handlingsprogrammet er ei prioritert liste over hovudanlegg og nærmiljøanlegg som det skal søkast spelemidlar for. Lista er utarbeidd i samråd med lokale organisasjonar og idrettsrådet.
Kommunestyret får til behandling ein rapport om utbetringstiltak for setnings- og teleskadane på Kuventræ idrettsplass. Forslaget er å få ei sak som løyser dette i løpet av neste halvår.
Vil starte planar for akvakultur og Bjørnafjorden aust
Kommunestyret skal ta stilling til eit forslag avslutte arbeidet med kommuneplanen sin arealdel (KPA) for heile Bjørnafjorden kommune og gå vidare med kommunedelplan (KDP) for Bjørnafjorden aust og KDP for Akvakultur.
Du kan lese meir om dette her: Tilrår å avslutte KPA-arbeidet - Bjørnafjorden kommune
Ei detaljregulering av Aldalen akvakulturområde kjem til behandling for 3. gong, etter at klagarar fekk medhald hos Statsforvaltaren etter 2. gongs behandling i fjor.
Pensjon på konkurranse
Bjørnafjorden kommune har no av tale om pensjonstenester med Storebrand Livsforsikring. Avtalen går ut ved utgangen av 2026, og kommunestyret skal behandle eit forslag om å starte prosessen for å lyse ut ny konkurranse i god tid før den gjeldande avtalen går ut.
Behandlar saker om lån
Bjørnafjorden utviklingsselskap har søkt om å forlenge løpetida på to lån med inntil tre år. Innstillinga frå formannskapet er å godkjenne denne søknaden.
Lysekloster idrettslag har søkt om eit likviditetslån for å dekke eit driftsunderskot i 2025. Innstillinga frå formannskapet er å avslå denne søknaden.
Justerer eigarskapsoppfølging
Bjørnafjorden sin eigarskapsmelding er gjenstand for to saker i dette møtet. Først er det ei sak som foreslår å justere generelle prinsipp for eigarskapen. Deretter skal kommunestyret ta stilling til del 3 av eigarskapsmeldinga, som inneheld ein føretaksspesifikk eigarstrategi for Os idrettspark Bjørnafjorden KF og ei justering av vedtektene.
Behandlar klagar og fritakssøknad
Kommunestyret skal også behandle tre klagar knytt til vedtak kommunestyret gjorde i mai om godkjenning av reguleringsplan for Nedre Skjørsand fritidsanlegg. Innstillings frå Plan-, bygg- og miljøutvalet (PBM) er å oppretthalde kommunestyret sitt vedtak.
Bjørnafjorden kommune skal komme med høyringsuttale og framtidig tenestestruktur for tannhelsetenesta i Vestland, og kommunestyret skal også ta stilling til ein søknad om fritak frå politiske verv og gjennomføre suppleringsval for vigslarar i Bjørnafjorden kommune.
Les alle sakene til behandling i kommunestyret her: Møteplan - Bjørnafjorden kommune
Hugs at du kan sjå behandlinga i kommunestyret på Kommune-TV.