Helsevern i verksemder

Nokre typar verksemder må ha godkjenning før oppstart. Kommunen gir samtykke på bakgrunn av opplysningar og planar som låg føre på tidspunkt for godkjenninga. Godkjenninga er ikkje i seg sjølv eit kvalitetsstempel for verksemda. 

Verksemdene under må sende inn søknad om godkjenning før oppstart, ved renovering, tilbygg, mellombelse lokale eller endringar i drifta:

• Skular
• Barnehagar
• Tatoveringsstudio
• Salongar som utfører permanent makeup
• Piercingstudio
• Salongar som utfører holtaking med øyrepistol

For å sikre befolkninga mot faktorar i miljøet som kan påverke helsa negativt, har verksemdene under meldeplikt til kommunen ved oppstart, renovering, tilbygg, mellombelse lokale eller endringar i drifta:

• Frisørsalongar
• Hudpleiesalongar
• Solarium
• Campingplassar, badeanlegg og badstoger
• Asylmottak og hospits
• Undervisningslokale og andre forsamlingslokale
• Verksemder med kjøletårn, luftskrubbar eller liknande innretningar
• Verksemder som slepp ut avløpsvatn
• Skadedyrfirma ved bruk av gassingsprodukt

For å sende godkjenningssøknad eller melding, sjå: Bergen kommune - Miljørettet helsevern - Innbyggerhjelp

Send kopi av søknad eller melding til: post@bjornafjorden.kommune.no

Les meir om helsevern i verksemder på Miljørettet helsevern i Bergen kommune sine temasider

Du kan klage på til dømes dårleg hygiene eller manglande smittevern i ei frisør- eller hudpleieverksemd.

Slik klagar du