Ta koronavaksine

Folkehelseinstituttet anbefaler at følgande grupper tar oppfriskingsdose koronavaksine før haust-/vintersesongen 25/26:

• Personar i omsorgsbustader og sjukeheimar
• Aldersgruppa 75 år og eldre 
• Aldersgruppa 18–74 år med:
  • kronisk lungesjukdom med nedsett lungefunksjon, og astma
  • kronisk hjarte-/karsjukdom (med unntak av velregulert høgt blodtrykk), for eksempel hjartesvikt og hjerneslag
  • diabetes, særleg pasientar med dårleg kontrollert sjukdom eller seinkomplikasjonar
  • kronisk alvorleg leversjukdom
  • kronisk alvorleg nyresjukdom
  • kronisk alvorleg nevrologisk sjukdom, spesielt personar med nedsett funksjonsnivå, lungekapasitet og/eller hostekraft, for eksempel ved multippel sklerose, cerebral parese, Parkinsons sjukdom eller ALS
  • nedsett immunforsvar grunna sjukdom og/eller immundempande behandling, ved for eksempel organtransplantasjon, kreft, autoimmun sjukdom
  • fedme med kroppsmasseindeks (KMI) på 35 kg/m2 eller høgare
  • annan alvorleg og/eller kronisk sjukdom der covid-19 utgjer ein alvorleg helserisiko, etter individuell vurdering av lege, som personar med medfødde kromosomavvik (for eksempel Downs syndrom) og genetiske syndrom.
• Aldersgruppa 12–17 år med alvorleg grunnsjukdom
• Aldersgruppa 6 månader –11 år med alvorleg grunnsjukdom etter individuell vurdering av lege

Personar i alderen 65-74 år som ikkje høyrer til ei risikogruppe, kan òg få rabattert vaksine gjennom programmet. Denne gruppa har likevel låg risiko for alvorleg koronasjukdom, og kjem difor ikkje under FHI si vaksinetilråding.

Les meir om kven som bør ta koronavaksine på helsenorge

Personar som bur saman med, eller er tilsvarande nære, immunsupprimerte pasientar, er anbefalt koronavaksine.