Helsefremming, førebygging og rehabilitering

Kva skal prosjektet bidra til?

  • Føremålet med prosjektet er å bidra til å unngå eller utsetja at innbyggjarar vert brukarar av kommunale tenester langt oppe i innsatstrappa. Prosjektet er tverrsektorielt og målgruppa er heile den vaksne befolkninga.  
  • Prosjektet skal avklara kva helsefremjande, førebyggjande og rehabiliterande tiltak som kan gje størst gevinst (kost-nytte) og korleis desse kan setjast i verk i Bjørnafjorden. 
  • Prosjektet skal også koma med tilrådingar om endra arbeidsmåtar, ressursbehov/dimensjonering og eventuelt nye tilbod.  

Prosjektleiar: Anne-Lise Aaseng

Mål for prosjektet

Som kommune ønskjer vi å bidra til det gode liv for alle. Kommunen har mange høve til å påverka innbyggjarane sine levevanar, og har eit særleg ansvar for å utjamna sosiale helseforskjellar.   

Målet er å auka helsekompetansen og leggja til rette for betre levevanar blant innbyggjarane og å få ei befolkning med betre helse og fleire friske leveår. Dette gjer vi gjennom å styrkja det helsefremjande og førebyggjande arbeidet, slik at talet på enkeltvedtak og hjelpebehov ikkje veks i takt med dei demografiske endringane. Eitt fokus vil difor vera helsefremjande tiltak for å førebyggja ikkje-smittsame sjukdomar som er belastande for den enkelte og for kommuneøkonomien. 

Det er vidare eit mål at tenestebrukarar opplever mest mogleg eigenmeistring i kvardagen til trass for skade eller sjukdom, og at sjukemelde kjem seg raskast mogleg tilbake i arbeid. Dette gjer vi gjennom å styrkja habiliterings- og rehabiliteringsarbeidet.  

Det er også eit mål å sikra at ressursbruken gjev treffsikre, langsiktige og berekraftige løysingar, som ikkje er avgrensa til perioden prosjektgruppa jobbar. For å få dette til, må vi m.a. vidareutvikla kultur og kompetanse for samskaping og samarbeid med næringsliv, lag og organisasjonar og innbyggjardialog. 

Det er eit overordna mål at Bjørnafjorden skal levera likeverdige tenester uavhengig av kor folk bur og at tenestene byggjer på kvarandre, uavhengig av sektor. 

Satsingsområde for prosjektet

Med basis i kunnskapsbasert praksis og vurdering av kva som hastar mest, er gjennomførbart og kan gje vesentlege gevinstar for oss i Bjørnafjorden, skal prosjektet jobba med desse delprosjekta/satsingsområda i prioritert rekkefølge:  

 Fysisk aktivitet (0-110 år):  

  • Tiltak som kan få fleire innbyggjarar til å vera meir aktive  
  • Undersøkja moglegheiter for å stilla krav i plansamanheng eller til utbyggjar om tilrettelegging for fysisk aktivitet tilknytt bumiljø (integrering av fysisk aktivitet i dei aller fleste kommunal planar) 
  • Info og merksemd om kva som finst av tilbod (LHL, idrettslag, etc – samarbeid med frivilligprosjektet for oversikt over tilbod?) og om kor lite aktivitet som gjev stor helsegevinst  
  • Betre tilrettelegging av aktivitetsvenlege nærmiljø/satsa på utbygging av gang- og sykkelveier  

Førebygging, habilitering og rehabilitering for heimebuande (0-110 år): 

  • Endra arbeidsmåtar (gruppetilbod, digitale tilbod, anna) 
  • Styrkja ergoterapitenesta og/eller fysioterapitenesta 

Levevanar (kosthald, tobakk, alkohol – 0-110 år) 

  • Kommunale føringar for eit sunt kosthald i barnehagar/skular, institusjonar/sjukeheim, rådhus, idrett, kultur, m.m. 
  • Informasjonstiltak og plan/årshjul for å fremja sunne levevanar i livslaupsperspektiv. 
  • Rettleiing/opplæring i bruk av persontilpassa livsstils-app/digitale verktøy (t.d. gjennom bibliotek, frisklivstilbod).  
  • Etablera eit frisklivstilbod med kurs og individuell oppfølging for røykeslutt, sunnare ernæring, meistring, søvnhygiene m.m.  
  • Undersøkja moglegheiter for å etablera spesialsjukepleiarkompetanse, delegert frå fastlege, som del av frisklivstilbod. 
  • Ernæringsoppfølging retta mot heimebuande sjuke og eldre. 

 

Publisert 27.03.2026 10:48
Sist endra 27.03.2026 10:48