Utekontakten er ei førebyggande lågterskelteneste for ungdom 13-25 år, som har eller står i fare for å utvikle problematikk knytt til åtferd, rus, utanforskap eller anna.
Kva gjer Utekontakten?
- Utekontakten oppsøkjer ungdom der dei oppheld seg: på skulen, Ung Arena eller ute på gata.
- Feltarbeidarane tar kontakt for å snakke om tema som ungdommane sjølve opplever som viktige, til dømes trivsel på skulen, fritidsinteresser, familie, følelsar, mobbing, rusmiddel og seksualitet. Ingen samtaletema er for vanskelege eller lite viktige.
- Feltarbeidarane i Utekontakten har teieplikt, men vil i enkelte tilfelle - som til dømes om nokon er i alvorleg fare - melde ifrå til nokon som kan hjelpe.
- Kontakten mellom Utekontakten og ungdom er frivillig. Ungdommane sjølve bestemmer om dei ønskjer å ha kontakt med oss eller ikkje.
Kva er føremålet med tilbodet?
Utekontakten har som hovudmålsetting å identifisere og førebygge problemutvikling og sårbarheit hos ungdom, gjennom oppsøkande arbeid.
Utekontakten har òg ansvar for å halde oversikt over ungdomsmiljøa lokalt, identifisere endringar og nye nasjonale og lokale trender så raskt som mogleg.
For å oppnå dette er vi avhengige av tilbakemeldingar frå ungdommar og vaksne. Vi vil gjerne høyre frå deg!
Slik tar du kontakt med oss
Send ein e-post til utekontakten@bjornafjorden.kommune.no
Du kan også følge Utekontakten på Snapchat: UKBJORNAFJORDEN
Sist endra 29.08.2024 14:28