Dagsenter for personar med kognitiv svikt og demenssjukdom

Du kan få vedtak om dagsenter dersom: 

• du har ein demensdiagnose 
• du bur heime 
• du treng å vere meir aktiv og sosial
• du kan nyttiggjere deg av dei aktivitetane som garden tilbyr (dersom Øvreeide gard er aktuelt for deg)
• du ønskjer å vere mest mogleg sjølvstendig 

Du må seie ifrå dersom du ikkje kan delta, eller dersom du ikkje lenger ønskjer tilbodet.

Du må betale eigendel for tenesta. Her ser du gjeldande sats. Justeringar av betaling skjer årleg gjennom kommunestyrevedtak i desember.

Du kan lese om rettane dine i pasient- og brukarrettigheitslova § 2-1 a andre ledd, jf. helse- og omsorgstenestelova § 3-2 første ledd nr. 7. og 3-3 tredje ledd. 

Det varierer kor lenge du må vente på ledig plass. I periodar kan det vere noko ventetid.

Vi prøver så godt vi kan å tilby deg plass i det området du bur.  

Kommunen tilbyr transport til og frå dagsenter. Vegen inn til bustaden må vere i slik stand at vi kan hente deg med bil.  For gruppa som skal til Treffpunkt for yngre personar med demens i Oshaugen, er hovudregelen at desse ordnar med transport til og frå sjølv, men vi kan gjere tilpassingar. 

Ja, utanom heilagdagar. Unntak: Treffpunktet i Oshaugen for yngre personar med demens er stengt nokre veker om sommaren.