Informasjon om tryggleiksalarm til deg som er pårørande

Kva er tryggleiksalarm?

• Tryggleiksalarmen skal bidra til at brukaren føler seg trygg i eigen heim. Alarmen gjer det mogleg å få kontakt med hjelp dersom det oppstår ein situasjon der brukaren treng bistand, til dømes ved fall. 
• Tryggleiksalarmen består av ein alarmboks som er tilkopla straum i bustaden, og ein tilhøyrande alarmknapp som kan berast rundt handleddet eller halsen. 
• Alarmen er avgrensa til å fungere i bustaden. For å utløyse alarm må brukaren sjølv trykke på alarmknappen. Tryggleiksalarmen er ikkje ei passiv varslingsteneste. 

Korleis fungerer tryggleiksalarmen? 

• Når brukaren trykker på alarmknappen, kjem han i kontakt med ein døgnbemanna alarmsentral som vurderer situasjonen og behov for oppfølging. 
• Ved behov tek alarmsentralen kontakt med deg som pårørande eller heimesjukepleia, avhengig av kva som blir avtalt ved oppstart.

Teknisk informasjon 

• Tryggleiksalarmen har back up-batteri som varer i inntil 24 timar. Dette gjer at alarmen vil fungere sjølv om straumen går i brukaren sin bustad.   
• Alarmknappen har batteri. Heimesjukepleia får varsel når batteriet begynner å gå tomt, og vil sikre nytt batteri. 
• Alarmen er avhengig av mobilnett. Dersom det oppstår feil eller bortfall av mobilnettet, vil ikkje tryggleiksalarmen fungere i den perioden feilen varer.