Slik er søknadsprosessen for helse- og omsorgstenester

Du søkjer

Du sender søknad med alle nødvendige opplysningar.

Vi behandlar søknaden din

Kommunen skal behandle søknaden din så snart som mogleg, og innan éin månad. 
 

Ventetid

Dersom svaret på søknaden din ikkje kan bli avgjort innan ein månad, skal vi gi deg skriftleg melding om årsaka, og om når du kan vente at vedtaket blir gjort.
Ver merksam på at det kan vere ventetid på nokre av tenestene våre.

Kven behandlar søknaden?

Det er i hovudsak avdeling for forvaltning og koordinering som behandlar søknadane til dei ulike helse- og omsorgstenestene, og som hentar inn dei opplysningane som er nødvendige for å avgjere saka

Kartleggingssamtale

For å sikre at du får det tilbodet som passar best for deg, gjennomfører vi ein kartleggingssamtale. 
Vi tar kontakt med deg eller den du har gitt fullmakt for å avtale ein samtale. Vi møtest anten hos oss på Rådhuset eller heime hos deg.

Vedtak

Vi gjer vedtak. Du får brev om vedtaket i den digitale postkassa eller per brevpost. I vedtaksbrevet går det fram om du har fått tenesta eller ikkje, og kva tenesta eventuelt dekker.

Du kan klage på vedtaket

Du må sende klagen til avdeling for forvaltning og koordinering innan tre veker frå du mottok brevet. Klagen må vere skriftleg og du må oppgi kva du klagar på og kvifor du meiner vedtaket bør endrast. Vi kan hjelpe deg med klagen, om du vil det.

Dersom kommunen ikkje tar klagen til følgje, vil saka di bli sendt til Statsforvaltaren for endeleg avgjerd.

Sist endra 21.01.2026 13:34

Kontakt

Avdeling for forvaltning og koordinering
Telefon: 91672072