Har du overteke ein landbrukseigedom frå nær slekt, treng du i utgangspunktet ikkje konsesjon, og du kan du nytte deg av eigenfråsegnskjema om konsesjonsfritak. Då er det viktig at du er merksam på at du forpliktar deg til å busetje deg på garden innan eitt år, og bu der i fem år. Dersom du ikkje skal/kan busetje deg på eigedomen innan denne fristen, må du søkje konsesjon.
Har du kjøpt eit gardsbruk i den opne marknaden, treng du i dei fleste tilfelle konsesjon. I samband med konsesjonshandsaminga kan det, av omsyn til busetjinga i området, bli sett vilkår om buplikt i medhald av konsesjonslova § 11. Om du ikkje kan eller vil busetje deg på eigedomen, kan du klage på vilkåret. Til liks med andre konsesjonsvilkår, kan ein også søkje om å få det endra, t.d. dersom ein ikkje kan flytte til garden innan fristen, eller ønskjer å flytte frå den før buplikta er oppfylt.
Les meir hos landbruksdirektoratet om buplikt