Meld deg på gratis UKM-workshop laurdag 17. februar!

Er du mellom 13 og 20 år og glad i å danse, spele dataspel eller har du lyst til spele i band? 
Meld deg på gratis workshops med knallgode og inspirerande instruktørar laurdag 17. februar 2024!

Sara Wergeland/UKM

UKM Bjørnafjorden-workshops 

Dataspel

Bli med inn i spelverda og lær å sette opp turneringar saman med andre unge med interesse for gaming og e-sport.

Instruktør: Benjamin Fabio Matthiesen, aka Fabio frå 777 Esport. 777 Esport blei norsk meister i CS 2 i oktober 2023.

Stad: E-sportrommet til Nore Neset IL i den nye idrettshallen, Skeismyra 10, 5217 Hagavik.

Tid:
17. februar 2024, kl. 12-16

Aldersgruppe 13-20 år. 

Fabio Enzo.
Dans

Mairi inviterer danseglade ungdommar til ein gøy workshop med hip hop og groove, og fokus på bevegelse, rytme og meistring.

Instruktør: Mairi Jogiaas, ein danseaktivist som aldri sluttar å danse. Det beste ho veit er å dele dans med andre.

Stad: Os Aktiv, idrettshallen med inngang frå skuleplassen, Oshaugen 2, 5200 Os

Tid: 17. februar 2024, kl. 11-16

Aldersgruppe 13-20 år. Det er avgrensa plassar på kurset, så ver rask med påmeldinga!

Band

På bandverkstaden får deltakarane moglegheit til å spele saman i grupper, komponere sjølve, prøve seg på ulike instrument, synge og få rettleiing frå instruktørar. 

Instruktør: Tommy Haltbakk

Stad: Kulturskulen sine lokale i Os Aktiv, Oshaugen 2, 5200 Os

Tid: 17. februar kl. 11-16

Aldersgruppe 13-20 år. Det er avgrensa tal på plassar på kurset, så ver rask å melde deg på!

Meld deg på workshop

Kva er UKM?

UKM står for Ung Kultur Møtast, og er ein møteplass kor kreativ ungdom mellom 13 og 20 år kan vise seg fram i samspel med andre.

Etter workshopen, har du kanskje lyst til å melde deg på den lokale UKM-festivalen i Bjørnafjorden 16. mars?

Kva kan du vise fram?

Alt mogleg (nesten)!

Song, dans, musikk, video, design, byggverk i Minecraft, ein tekst du har skrive, ein TikTok du har laga, eller noko anna - kulturomgrepet er stort og vidt! Du kan vise fram noko du allereie driv med, eller lære noko nytt gjennom UKM-workshopane, på/rundt/bak scena eller som arrangør. 

Les meir om UKM Bjørnafjorden 2024

UKM Bjørnafjorden blir arrangert i samarbeid med UKM Norge.

Sist endra 08.02.2024 13:01