Vel møtt til stiftingsmøte for Bjørnafjorden kulturråd!Hei, alle frivillige lag og organisasjonar innan kulturfeltet! Saknar de eit større kulturfellesskap i kommunen? No har de sjansen til å vere med og skape ein felles arena der kulturorganisasjonar kan dele erfaringar, kunnskap, utstyr – og saman løfte kulturlivet i kommunen. Vi inviterer med dette alle frivillige kulturorganisasjonar til stiftingsmøte for Bjørnafjorden kulturråd, onsdag 17. september. Stiftingsmøte for Bjørnafjorden kulturråd Onsdag 17. september 2025, kl. 18 i Bjørnafjorden hovudbibliotek, Holtbrekka 7, 5200 Os Interimstyret for Bjørnafjorden kulturråd er sett saman av representantar frå Os skulekorps, Bjørnafjorden folkeakademi og Unikultur. Interimstyret og kommunen står saman bak initiativet til å etablere eit kulturråd. Les også: Kulturråd for Bjørnafjorden er på trappene.Kva er eit kulturråd?Eit kulturråd kan fungere som eit bindeledd mellom laga og kommunen, og samtidig bidra til meir samarbeid, aktivitet og nyskaping i kulturlivet. Organisasjonane som er med på å stifte Bjørnafjorden kulturråd, vil jobbe saman om å forme innhaldet og peike ut retninga for det vidare arbeidet.Tenk over kva ditt lag kan bidra med – og kva de ønskjer å få att. Meld påVel møtt! Venleg helsing interimstyret for Bjørnafjorden kulturråd:Jonny Haugland, Bjørnafjorden folkeakademiSiri-Linn Schmidt Fotland, Os skulekorpsMagnus Godøy, Unikultur Publisert av Ragnhild Stende Bjaadal Sist endra 29.08.2025 10:49