Kva er digital heimeteneste?
- Eit tilbod til deg som treng regelmessig helsefagleg oppfølging, men ikkje nødvendigvis fysiske besøk.
- Du får låne ein skjerm av oss og opplæring i korleis du brukar han. Skjermen er svært enkel å bruke, og du treng ikkje ha erfaring med bruk av digitale løysingar frå før.
- Vi ringer deg opp på skjermen til avtalt tid. Du ser og snakkar med dei tilsette direkte, og får rettleiing og oppfølging av helsepersonell på ein trygg og enkel måte.
- Helsepersonell kan blant anna følgje opp helsetilstanden din, og rettleie deg i å utføre helsehjelp og daglege gjeremål.
- Vi ringer deg opp på skjermen til avtalt tid. Du ser og snakkar direkte med dei tilsette.
- Målet er at du får trygg og god hjelp på best mogleg måte, og at du får støtte til å meistre eigen kvardag og eiga helse.
Heimetenester i Bjørnafjorden kommune kan bli gitt fysisk eller digitalt, eller som ein kombinasjon av begge måtar.
Digital og fysisk heimeteneste samarbeider tett, slik at du får den oppfølginga og hjelpa du treng. Målet er at du får trygg og god hjelp på best mogleg måte, og at du får støtte til å meistre eigen kvardag og eiga helse.
NB! Digital heimeteneste er eit dagtilbod (kl.8-15). Ved behov for hjelp på kveld, helg og heilagdagar, får du fysisk besøk. Digital heimeteneste erstattar ikkje hjelp der det er behov for at helsepersonell er fysisk til stades.