Heimesjukepleie

Tilsette i heimesjukepleia kan hjelpe deg med å ta medisinar, lage til måltida og hjelpe med personleg hygiene. Heimesjukepleia vil legge til rette for at du skal klare mest mogleg sjølv, slik at du kan halde fram med å bu heime.

Kven kan få tilbodet?

Dette kan du forvente av oss i heimesjukepleia

• Vi behandlar deg og heimen din med respekt
• Vi har synleg legitimasjon.
• Vi overheld teieplikta
• Du får ein kontaktperson som har hovudansvar for hjelpa du mottar
• Dei tilsette har nødvendig helsefagleg kompetanse, men nokre gonger vil det kome assistentar, lærlingar og studentar heim til deg som ein del av opplæringa i helsefagutdanninga
• Våre tilsette har ulik etnisk bakgrunn og kjønn
• Vi kjem til mest mogleg faste tider. Akutte hendingar kan føre til at vi ikkje klarer å vere hos deg til avtalt tid
• Heimesjukepleia kan dessverre ikkje følgje deg til lege, tannlege, frisør, fotpleiar og liknande. Du kan ta kontakt med Frivilligsentralen eller Røde Kors for denne typen hjelp

Dette forventar vi i heimesjukepleia av deg

• Du gjer det du klarer sjølv
• Du handterer medisinane dine sjølv, om du ikkje har inngått legemiddelavtale med heimesjukepleia
• Du tillet at vi installerer hjelpemiddel til bruk for deg og oss i heimehjelpa 
• Du har mikrobølgeomn viss du treng hjelp til/skal trene på å varme middag
• Du har synleg namn og nummer på huset, og opplyst inngang
• Du låser opp for oss viss du kan, sjølv om vi har nøkkel
• Du gir beskjed i god tid dersom du ikkje treng hjelp eller om du reiser bort
• Dersom du har tryggleiksalarm, brukar du han berre ved akutt behov for helsehjelp
• Du brukar telefon og får levert varer du treng, dersom du ikkje kjem deg i butikken sjølv. (Heimetenesta kan hjelpe med bestilling om du ikkje kan bruke telefon sjølv.)
• Du ringer heimesjukepleia innanfor telefontidene, som er kl. 10-12 og kl. 13-15 på vekedagar. Om kvelden og i helgene er alle våre tilsette ute hos pasientar, og er berre tilgjengelige for korte beskjedar
• Dersom du røyker inne, luftar du godt og ikkje rett før vi kjem
• Syt for at vi kjem oss heilt fram til bustaden din både sommar og vinter
• Hald kjæledyr i band eller inne på andre rom medan vi er hos deg
• Hjelp oss med å ha eit godt arbeidsmiljø 

Hjelpebehovet ditt blir jamleg vurdert av fagpersonar i heimetenestene. Tilbodet kan reduserast eller aukast dersom det er endringar i behovet ditt.

Dersom du mottar hjelp frå to eller fleire instansar i kommunen, kan det vere aktuelt med individuell plan eller koordinator.

Slik kontaktar du heimesjukepleia

Her finn du oversikt over telefonnumra til avdelingane i heimetenestene
Du kan òg kontakte oss på helsenorge.no

Du som får heimesjukepleie, kan logge inn på helsenorge.no (krev MinID) for å sende meldingar til Heimebaserte tenester i Bjørnafjorden kommune. Her kan du sjå oversikt over planlagte og gjennomførte heimebesøk, i tillegg til å avbestille heimebesøk dersom du er bortreist. Dette kan òg pårørande gjere for deg, ved at du gir dei fullmakt på dette skjemaet frå helsenorge.no.