Sjølvkostprinsippet
Gebyra for vass- og avløpsområdet er omfatta av det såkalla sjølvkostprinsippet. Sjølvkostprinsippet betyr at inntektene for ei teneste eller eit produkt ikkje skal overstige kostnadene ved å produsere tenesta eller produktet.
Over tid (fem år) skal inntektene og kostnadene vere i balanse.
Kommunelova gir overordna reglar for utrekning av sjølvkost, medan sjølvkostforskrifta gir meir detaljerte reglar.
Det er både direkte og indirekte kostnader innanfor eit slikt sjølvkostområde - både driftsutgifter til vass- og avløpsanlegga og kapitalkostnader.
Store investeringar
Vass- og avløpsområdet i Bjørnafjorden kommune har hatt store investeringar over tid. Derfor er over halvparten av kostnadene knytt til kapitalkostnader (avskrivingar og renter).
Høgare rente
I 2022 såg vi ein uvanleg stor auke i rentenivået. Dette betyr ein stor auke i rentekostnadane for sjølvkostområdet i både 2022 og 2023.
Per 31. desember 2022 hadde vass- og avløpsområdet i Bjørnafjorden kommune rett over 1 milliard kroner i balanseførte anlegg som det skal reknast rentekostnader på. Dette vil seie om lag kr 150 000,- per abonnent. Av dette er om lag 66 % knytt til avløp, medan 34 % er knytt til vatn.
Denne auken i rentekostnader betyr at det dessverre er nødvendig å auke vass- og avløpsgebyra i 2023.
Sjå betalingssatsar, avgifter og gebyr for Bjørnafjorden kommune 2023
Her kan du òg sjå fakturaene dine, bestille månadleg faktura og be om betalingsutsetjing.