Har du hus- og hjarterom for eit barn som treng det?

- Det skal ei heil bygd til for å oppdra eit barn, heiter det. Vi treng trygge vaksne som kan gi omsorg og tryggleik til fleire barn enn sine eigne. Jeremiah Lawrence/Unsplash

Bli besøksheim

Mange barn ber på tung bagasje. Som besøks- eller fosterheim kan du vere med å fylle ryggsekken med noko godt og trygt. Daiga Ellaby/Unsplash

Gi eit barn gode opplevingar og verdifull avveksling frå ein krevjande kvardag. 

• Besøksheim er eit frivillig hjelpetiltak, kor ein familie tar imot eit barn eller søsken på oppdrag frå kommunen. 
• Besøksheim bli ofte brukt når foreldre treng avlasting, eller når barn har behov for ekstra støtte og omsorg i periodar. 
• Kortvarige opphald, ofte èi eller fleire helger i månaden. 
• Besøksheim er ikkje det same som fosterheim og skal ikkje erstatte barnet sin heim. 
• Besøksheimen samarbeider med barnet sine foreldre og kommunen, og får rettleiing og kompensasjon for oppdraget.
• Besøksheimen skal vere ein ekstra ressurs og eit “pusterom” for barnet, samstundes som det er ei støtte for foreldre med særleg tyngande omsorgsoppgåver.
• Det er viktig at besøksheimen har tid, overskot og overnattingsplass til eit ekstra barn, og at de kan gi barnet varme, tryggleik, positive opplevingar og avveksling i ein krevjande kvardag.

Søk om å bli besøksheim

Bli fosterheim

Alle barn treng omsorg og støtte på vegen vidare. Som besøks- eller fosterheim kan du gi barn tryggleiken og stabiliteten dei kanskje ikkje får andre stader. Annie Spratt/Unsplash

Gi eit barn omsorg og tryggleik i livet.

• Ein fosterheim gir omsorg og støtte til barn og unge som ikkje kan bu heime hos foreldra sine, i kortare eller lengre periodar.
• Det kan vere mange årsaker til at barn treng ein annan stad å bu, men felles for alle barna er behovet for omsorg og tryggleik. 
• Det er viktig at fosterheimen kan gi barnet ein stabil og føreseieleg kvardag prega av varme, omsorg og støtte, og at de inkluderer barnet i dagleglivet som ein del av familien. Evne, tid og overskot til å gi barn ein trygg og god heim er ein føresetnad for å kunne vere fosterheim.
• Barnet skal ofte ha samvær og kontakt med foreldre, søsken og andre viktige personar. Det er ei viktig oppgåve for fosterforeldra å legge til rette for og støtte barnet i dette.
• Ta kontakt dersom du ønskjer å vere fosterheim.