Kikhostevaksine til gravide

Her får du vaksinen i Bjørnafjorden

Gravide som får oppfølging hos jordmor, vil få informasjon og tilbod om vaksine mot kikhoste hos jordmor. 
Jordmortenesta i Bjørnafjorden har kontakta alle som er forbi svangerskapsveke 30 med tilbod om å ta vaksine 10. mai. Andre aktuelle gravide vil få tilbod om vaksine i samband med neste svangerskapskontroll.

Gravide som får all oppfølging hos fastlege, vil få tilbod om vaksinen hos fastlegen.

Sjå informasjon om jordmortenesta i Bjørnafjorden kommune

Kvifor blir gravide anbefalt kikhostevaksine?

• Kikhoste er ein langvarig luftvegsinfeksjon med kraftige hosteanfall.
• Sjukdomen er svært smittsam og er farlegast for dei yngste barna.
• Spedbarn med kikhoste kan få pustestopp, vanskar med å ta til seg næring, og det er ofte nødvendig med innlegging på sjukehus. 
• I sjeldne tilfelle fører sjukdomen til dødsfall hos spedbarn.  

Korleis verkar vaksinen?

• Gravide som tar vaksine lagar antistoff mot kikhoste.
• Antistoffa blir overførte til barnet i magen.
• For at barnet skal vere beskytta frå fødselen av, må du få vaksine medan du er gravid – uavhengig av når du sist tok vaksine mot kikhoste.

Les meir om kikhoste og vaksinen på Folkehelseinstituttet sine sider