Mildvêr på veg - gjer plass for smeltevatnet

Når snømengdene smeltar, kan det bli store problem dersom vatnet ikkje har ein stad å gjere av seg. Hugs at vatnet tar alltid lettaste veg. 

Bruk helga godt

• Fjern snø og is som ligg over slukar og kumlokk, slik at vatnet blir ført vekk når mildvêret kjem. 
• Lag renner i isen/snøen der vatnet kan bli ført vekk frå gardsplassar og innkøyrsler.
• Sørg for at smeltevatn ikkje blir liggande inn mot grunnmuren. Slik unngår du fuktskader.
• Sjekk takrenner og nedløpsrør, slik at smeltevatnet blir ført vekk frå huset.
• Måk av terrasse og eventuelle tak. Våt snø er tung. 
• Sjekk gjerne at slukane i nabolaget ditt er opne. Både kommunale og innleigde brøytefolk står på det dei kan, men dei når ikkje over alt.  
• Har du ein nabo som av ein eller annan grunn ikkje kan sjekka eigne slukar og renner? Kanskje du har tid og kapasitet til å gi ei hand?
  
  (Tipsa er lånt frå heimesida til Bergen kommune)