Ordførar Terje Søviknes har første dag i ordførarstolen - for sjette gong. - Eg gler meg til å kome i gang, seier han.
Ragnhild Stende Bjaadal
Det nye kommunestyret i Bjørnafjorden konstituerte seg i går, torsdag 19. oktober. Terje Søviknes (Frp) og Marie Lunde Bruarøy (H) blei valde til høvesvis ordførar og varaordførar.
Varaordførar Marie Bruarøy (H) og ordførar Terje Søviknes (FrP).Du kan sjå møtet i Kommune-TV
Søviknes blir med dette Bjørnafjorden kommune sin andre ordførar sidan kommunesamanslåinga i 2020, og tar over etter Trine Lindborg (Ap).
Terje Søviknes var ordførar i Os kommune frå 1999 til 2016 og frå 2018 til 2019. I perioden 2016-2018 var han olje- og energiminister, og 2019-2020 eldre- og folkehelseminister.