Fabian Blank, Unsplash
Driftsrekneskapen for Bjørnafjorden kommune viser eit netto driftsresultat på - 84,3 mill. kr for 2022. Med driftsinntekter på 2,3 mrd. kr utgjer dette ein resultatgrad på – 3,62%. Negativt netto driftsresultat er dekka ved bruk av fond, slik at driftsrekneskapen har eit meir-/mindreforbruk på kr 0.
Årets rekneskapsmessige mindreforbruk før strykingar er på 19,7 mill. kr.
Investeringsrekneskapen for 2022 er gjort opp i balanse (null).
Kommunen si deltaking over seks år i prosjektet Statleg finansiering av omsorgssektoren (SIO) blei avslutta 31.12.2021. Prosjektet har m.a. medført at kommunen har blitt trekt i rammetilskotet og i staden fått øyremerka statstilskot som har dekka utgiftene til vedtak som blei utførte i omsorgssektoren til kommunen. Av budsjettet for 2022 går det fram at bortfallet av øyremerkte statstilskot ville medføre netto tapte inntekter på over 150 mill. kr i 2022. Budsjettprosessen for 2022 var derfor krevjande, og budsjettet blei sett opp med eit negativt netto driftsresultat og det blei m.a. budsjettert med netto bruk av fond for å saldere budsjettet. Forhold som Covid og generell pris- og lønsauke har auka byrda og er medverkande til at sektorane gjennom året har meldt om til dels store overskridingar. Også finansmarknadene har hatt eit vanskeleg år. Gode skatteinntekter i kommunesektoren særleg på slutten av året har gjort at situasjonen ikkje blei verre.
For ordens skuld gjer vi merksam på at rekneskapen ikkje er revidert.
Publisert av Ingrid Karin Kaalaas
Sist endra 22.02.2023 16:32