Bjørnafjordenmodellen blei vedtatt og tatt i bruk i juni 2022. I saksutgreiinga heiter det at modellen har bidratt til økonomisk tryggleik for fastlegar og gjort det lettare å rekruttere nye fastlegar. Samtidig er det ei kostbar ordning
Skal behandle lovlegkontroll
Representantane Asle Olsen og Hege Bjørnør, SV, og Nils-Anders Nøttseter, MDG, har fremma krav om lovlegkontroll av kommunestyret sitt budsjettvedtak i desember 2024. No skal kommunestyret behandle administrasjonen si oppfølging av dette kravet.
Vil kjøpe tilbake aksjar i Hordfast
Kommunestyret skal behandle eit tilbod om å få kjøpe tilbake aksjane som Bjørnafjorden kommune selde til Stord og Tysnes kommunar i 2020. Formannskapet innstiller til kommunestyret på å takke ja til kjøpet.
Skal vedta eigarskapsmelding del 3
I mars 2024 vedtok kommunestyret Eigarskapsmelding del 1 og 2. no kjem to saker til oppfølging som handlar spesifikt om den selskapsspesifikke eigarskapsmeldinga for ASVO Bjørnafjorden AS og for Bjørnafjorden utviklingsselskap AS (BUS AS).
Vil ta imot 50 flyktningar i 2025
Kommunestyret skal behandle eit forslag om å ta i mot 50 flyktningar i 2025. Integrerings- og mangfaldsdirektoratet (IMDI) har oppmoda Bjørnafjorden kommune til å ta i mot 70, men det er såpass vanskeleg å finne tilstrekkeleg med bustadar til flyktningane at tilrådinga er å nøye seg med 50.
Skal vedta førebyggande plan
Alle kommunar har ansvar for å førebygge omsorgssvikt, og i tråd med dette skal kommunestyret behandle “Førebyggande plan - plan for førebygging av omsorgssvikt og åtferdsvanskar” for perioden 2025-2028.
Skal vedta plan for Ådnamarka sør
Planen for Ådnamarka sør kjem til behandling for tredje gong. Planen har framleis motsegner frå Statsforvaltaren i Vestland, og innstillinga frå Plan-, bygg- og miljøutvalet (PBM) er derfor å sende saka til Kommunal- og distriktsdepartementet (KDD) for endeleg avgjerd.
Reviderer forskrift om vass- og avløpsgebyr
Kommunestyret skal behandle ei revidert forskrift om vass- og avløpsgebyr for Bjørnafjorden kommune. Forskrifta regulerer forholdet mellom abonnentar og kommunen som leverer vass- og avløpstenester og fastset utrekninga og innbetaling av dei gebyra abonnentane skal betale for vass- og avløpstenestene kommunen leverer. Den reviderte forskrifta er gjennomgått med tanke på klart språk og har vore ute til høyring mellom 12.06.2024 og 30.09.2024.
Skal vedta grøn mobilitetsstrategi 2025-2036
Hovudmålet for grøn mobilitetsstrategi er å gjere det enklare, meir attraktivt og tryggare å gå, sykla og reisa kollektivt i Bjørnafjorden. Strategien har vore gjennom fleire høyringsrundar og vil kunne få fleire positive verknadar. Mellom anna vil han gjere det lettare å prioritere og styre ressursar og midlar til tiltak som kan gi stor samfunnsnytte.
Andre saker
Kommunestyret skal også behandle avkastningsrapport for november og desember, ei sak om suppleringsval til felles forliksråd for Austevoll og Bjørnafjorden kommunar, to søknadar om fritak frå politiske verv, og eit forslag om å delegere mynde frå PBM til kommunedirektøren.
Sjå alle sakene til behandling i kommunestyret
Du kan følge behandlinga i kommunestyret på Kommune-TV