Miljøløftet
Strategien har også ein handlingsplan med konkrete tiltak. Dei skal bidra til å redusere dei totale klimagassutsleppa i kommunen som er knytt til transportsektoren.
Strategien er ein del av satsinga i Miljøløftet, som er eit samarbeid mellom Samferdselsdepartementet (med Statens vegvesen og Jernbanedirektoratet), Kommunal- og distriktsdepartementet (med Statsforvaltaren i Vestland), Vestland fylkeskommune og kommunane Alver, Askøy, Bergen, Bjørnafjorden og Øygarden.
Du kan følge kommunestyremøtet på Kommune-TV
Skal vedta bruk av Miljøløftet-pengar
Bjørnafjorden kommune har i overkant av fire millionar kroner til rådvelde til å bygge klimavennlege prosjekt under paraplyen Miljøløftet. Kommunestyret skal vedta kva kommunen skal bruke desse pengane på.
Slik skal vi bruke ekstra statsbudsjettpengar
Vedtatt statsbudsjett ga litt meir pengar til Bjørnafjorden si kommunekasse enn føresett i behandlinga av kommunebudsjettet. Kommunestyret skal vedta korleis desse ekstrapengane skal bli nytta.
Behandlar reguleringsplanar
Kommunestyret skal behandle reguleringsplanar for Lyseparken 2 og for Idrettsvegen 14. Planen knytt til Lyseparken er ei endring av områdeplanen for Lyseparken som gjeld området der Posten planlegg å etablere seg. Planen for Idrettsvegen 14 gjer det mogleg å etablere inntil 14 tomannsbustadar på tomta.
Behandlar årsmeldingar frå medverknadsråd
Bjørnafjorden kommune har tre medverknadsråd som skal gi kommunen råd om korleis ein best kan ta i vare behova til ungdom, eldre og menneske med nedsett funksjonsevne. Kommunestyret skal behandle årsmelding for alle desse råda på det komande møtet.
Kommunestyret skal også behandle avkastningsrapport for januar 2025.
Sjå saksdokumenta til alle sakene som kjem til behandling i kommunestyret 3. april