Snart er det 17. mai!

Simen Soltvedt

Lokale arrangement

I heile Bjørnafjorden er det små og store arrangement frå morgon til kveld på nasjonaldagen. Arrangementa i krinsane, bygdene og på skulane blir planlagt og gjennomført av lokale komitear med ulik samansetjing. Stor takk til alle som ordnar og fiksar og legg til rette! Informasjon om ditt lokale 17. mai-program finn du i lokale kanalar, eventuelt i samlesakene i lokalmedia. Komiteane i nokre krinsar og bygder har sendt programmet sitt til  Os & Fusaposten. Saka er open for alle. 

17. mai-programmet på Osøyro

Som tidlegare år blir det hovudprosessjon i kommunesenteret Osøyro. Prosesjonen startar på Giskavollen og ender på Kyrkjeflaten, der det er talar for dagen. 

Oppmøtet til prosesjonen er på fotballbanen ved Os ungdomsskule frå kl 11.10, med oppstilling på tilvist plass for dei førehandspåmelde. Prosesjonen går frå Giskavollen kl 11.30. 

Prosesjonen går i hovudsak same rute som i 2025, med ei lita endring ettersom Brugata er stengt. Det blir oppstilling på Giskavollen og tog ned Byvegen til rundkøyringa i sentrum, deretter Hatvikvegen over Os-brua. Toget går rundt Irisgården og tilbake til Kyrkjeflaten.

Endestasjon er på Kyrkjeflaten, der det blir program om lag klokka 12.30-13.30. 

Kart over ruta til prosesjonen (PDF, 3 MB)