Divya Agrawal/Unsplash
Frivillige lag og organisasjonar kan no søke om støtte til prosjekt og tiltak som fremmar integrering. Lokale innvandrarorganisasjonar kan òg søke om driftstilskot.
Bjørnafjorden kommune forvaltar tilskota på vegner av Integrerings- og mangfaldsdirektoratet (IMDI). Hovudmålet er å auke arbeids- og samfunnsdeltakinga blant innvandrarar og deira barn. Målgruppa for ordningane er innvandrarar, norskfødde med innvandrarforeldre og andre i befolkninga elles.
I årets søknadsrunde ber IMDI kommunane om å særleg fremme søknadar der norsktrening, eller forebygging av rasisme og diskriminering, er eit tydeleg element i prosjektet.
Her finn du informasjon om kven som kan søke, korleis du går fram og lenke til søknadsskjema.
Få svar i nettmøte
Lurer du på om laget eller organisasjonen din kan søke midlar gjennom denne ordninga?
Tysdag 7. januar klokka 18 kan aktuelle søkarar få digital rettleiing frå rådgivar i Kultureininga.
Klikk her for å bli med i nettmøte 7. januar kl. 18-19